لاح الفجر ياللي وعدك أول الليل
في طرفي اللي ماسهر ليل لولاك
راح الظلام آمال / لاح الفجر ويل
واستسلمت للياس نفس ٍ تحرّاك
فات الوعد / مات الوعد / مابقي حيل
الا عيونٍ تنظر هناك وهناك
لاح الفجر وجهه عصافير ونخيل
يضحك / وتبكي في يديني هداياك
ياموعدي ليلة شتا والمطر سيل
والبرد قاسي / والدفا فيه ذكراك
فيه انتظاري موت / لولا المواصيل
واحترت في موتين / وصلك وفرقاك
ان غبت اخاف ان الحزن يطوي الحيل
وان جيت اخاف اموت فرحه بلقياك
يهناك نومك وانتظاري تساهيل
ياللي الخجل ردّك عن اللي تمنّاك
ليت الوفا فارس / وليت الزمن خيل
ماكان قلبي في غيابك تباطاك
لولاي احبك ماعشقتك غرابيل
أو صارت عيوبك بعيني / مزاياك
أو جبت لك من دون ترسل مراسيل
عذرك / وقلت العيب واللوم عدّاك
حبي لك أكبر من وعد أول الليل
وان غبت تكفي عن حضورك / نواياك
الي الثلاث شهورمرت
ياحبنيلك ........؟؟؟؟؟؟@