حبيب العازمي وابو مشعاب
ابومشعاب
اسليم يا فزعتي يالحاضرين
ودو حبيب وراء راس القرا
حطوه جنب الشيوخ الاولين
ما عاد في العلم بيع ومشترا
حبيب العازمي
ماني برايح ولا انتم قادريـن
وانكان لك ربع انا شرحك سرا
سليـم حييـن والا ميتـيـن
عليهـم الله وحـده واكبـرا
ابومشعاب
تبغى تروح على تل اليمين
وسليم منهم ما يذريك الذرا
لكن ياحر تقرع بالحنيـن
عليك من ربعتي رد البـرا
حبيب العازمي
دام الدعـاوي لمـداة اليديـن
صبرك شويه ولك عيـن تـرا
من عام الاول وانا اسمعله ونين
وانا احسبنه مـن العلـه بـرا
ابومشعاب
ماصبر قبل لا توقع في الجبين
ويموت منها طويـر الحمـرا
العام يا روق رحتو مدبريـن
واليوم يرفس عريقك في الثرا
حبيب العازمي
الذيب يبغى العشاء يا بالحصين
هروب يا بالحصيـن الازهـرا
العام ياسليـم جتـو زاحفيـن
واليوم ياسليـم ريوستـو ورا
ابومشعاب
الذيب انا وانت تنظرلي بعين
نلزمك فوق الصفيحة بالغرا
عمانك سليم تمشي باليمين
وانتة عطيت الطريق الايسرا
حبيب العازمي
انته متى جيت ذيب الله يعيـن
مخلوق بعقال وشمـاغ احمـرا
انتم وحنا على طـول السنيـن
في الخير قسمين فالشرء اخشرا
ابومشعاب
ياربي انك على الروقي تعيـن
الي قضى وقت في ثوب اصفرا
والله ما نامنك ياداب الدفيـن
إلي من البـدو جـوه عكـرا
حبيب العازمي
ايش رايك تكب مكه والقرين
احسن تبرد على طلعة كـرا
آخر تعديل بواسطة ناصر الخياري ، 10-12-2009 الساعة 03:53 AM.
|