[ذبحني غروركـ]

(( ليل السهر وظروف الايام حاكن
ثوب الفراق اللي لبسته وقفيت ))
بيت(ن) لفاني له عيونـي تباكـن
وشلون ذا حكيك ولايـوم حسّيـت
إن الغـلا لاجلـك بقلبـي تماكـن
أجيك كلّي ولنـدا الشـوق لبّيـت
ماقفيت عنّك !00إيه أحبك ولكـن!
مااحب قسوة قلبك اللي لي ابديـت
ياكثر ما كنّيـت بالقلـب وآآكـنّ
كلّه لاجل تبقـى حبيبـي وهلّيـت
أغلى دموعي وانت لاهي ولا كِـنّ
هاللي ذرف دمعه حبيبك وعنّيـت
قلبي وروحي ليـن منّـك تشاكـن
وشلون ذاك اللـي بحبّـه تغنّيـت
شوف الدموع بوسط عيني تحاكـن
من صدمتي يومك بهالحب شكيـت
تقسا وتترك داخلي جـرح ساكـن
واقسى الجروح انّك هجرت وتخليت
خلّيت حزني داخل الجـوف راكـن
ماحرّك احساسك ولا فيـه لدّيـت
لبس الحداد لقلبـي اليـوم داكـن
لاصدق شعور ٍ في غيابك غدا ميت

الموضوع الأصلي: مآآ اقفيت عنك! | | الكاتب: ذبحني غروركـ | | المصدر: شبكة بني عبس