[الـشـقـاوي]

وش تبي بالجرح جعله مايجيك وش تبي به وش تبي به يالظنين

صاحبي وان كان هاقي نرتجيك فوالله ان تبطي ويبطي ماتبين

دام بعت اللي من اول مشتريك وصرتي معه بكل حرفٍ تلعبين

قلبه اللي بكل شوق ٍ مهتويك راح وصدّر منك صدّار القطين

وعزتي للحظ دامه طاح فيك غلطتي في العمر يالجرح الدفين

غلطتي مادام واثق بك وابيك وانا وسط القلب جيز العابرين

مايهمك لو تشوف اني دريك والمطاح اللي بكم مابين بين

بين نار وبين شوق ٍ محتويك نار بعدك والصدود اللي يبين

بان فيك وواضح ٍ في مقلتيك وليت عذرك ليت ياليته سمين

والله اني ماهقيت بقول ذيك وكنت احسب انك علي ماتبخلين

حسرتي ياوقتي اللي احتريك ناشفٍ ريقي وامسّح فاالجبين

ومن كثر مااطلبك صاير انتخيك نخوة اللي طاح بين مقاتلين

كيف تذخر تذخر المد أبيديك ومن بخل باالقلّ مامد اليدين

كيف ذل الوقت وميلني عليك وقبل عِرفك كان لي قلبٍ رزين
</I>