للعيدفرحه وين انا والفرح وين
الله يذكر فرحة العيد بالخير
انا اذكر ان العيد وحنا بزارين
مانلبس الا بس في العيد ونطير
نشوش لاشفنا البني المزايين
وحنا بعد بزقات لكننا غير
ثيابنا طهر وكرامه عفيفين
شيباننا ضاضوا علينا مناعير
مافرّطوا في التربيه مثلنا الحين
بيض الوجوه الطاهرين العزيزين
ماهملونا سيسبو ذا الجدارين
درب المساجد والمجالس طوابير
ماجابوا مزامير اللهوا والشياطين
في بيوتنا لا لا ولا نافخ الكير
عبر الفضائيات سم الثعابين
أفكار منحرفه رذيله مغارير
من بعد بو بكر وعمر وبن تشفين
صاروا النجوم اهل العفن والطراطير
ياكيف اعيّد والعدا في فلسطين
في كابول او بغداد عاثوا خنازير
وكل مسلم مضطهد بالبلادِّين
تحت المسمى (إرهاب)تحت الجنازير
العيد اول وصل طاعه وتأبين
ماهم عليه من الصفا والتباشير
بسمه على طول الوقت مابها دين
وقلوبهم بيضا نظيفه قوارير
افراحهم تترا وتبقى من سنين
واليوم تفرح ساعه يجيك تقرير
ياكيف اعيّد والفرح وين هو وين
الله يذكركم عرب اول بخير