السلام عليكم ورحمة الله وبركاته ,,,,,
أخواني في منتدى المحاوره ,,,,,,,,,,,,,,,,,,,,,,, اسعد الله اوقاتكم بالخير ..
مهما كانت المواقف ومهما اختلف الرجال وتضاربت الاراء بين الاصحاب يظهر المعدن الرجولي والوقفه الصادقه وبالرغم من اختلافنا بقي عزيزا ً
وقفه من رجل اختلفت معه دوما ً وعندما تأزمت الظروف بادر في وقفته الصادقه من دون طلب مني أو امتنان عليّ ,,,
أنا بين الدروب وصيحة الراعي وصوت الذيب=أسوق الرجل وأجرح جرح وأضمد جرح وأجرح به
مشيت اسهول واصخور ورؤس اجبال وبطن اشعيب=ورماني حظي الأقشر ببحر ٍ ما أقدر أسبح به
يالجرح لا تنّدم على الأيّام ما مات الطبيب=مدام الشيمه الحيه ما ماتت.... عاشت الصحبه
ولا أشكي علة أيوب ولا حظي مثل حظ اشعيب=أنا أنسان حسناته مع اذنوبه ماترجح به
ليا عاداك رجل ٍ فزعته تشرى بألف اصحيب=عدو ٍ صدّته تخّسر ولا صحيب ٍ مايربح به
يطيب الوقت ويطيب العدو وإذا أنت طيّب طيب=وصاحبك الخسر هرش ٍ مايحمل به مايلقح به
سلام الله سلام ٍ يلمس الجرح الندي ويطيب=ليا سمعه عتيبي جمرته حيّه بيفرح به
يا عبدالله لو إنّ النّاس تعلم وش يجيب الغيب=ما تلقى حظ مقرود العرب يضوي ويسرح به
لأنك كنت شمس ٍ مشرقه يوم النجوم اتغيب=تقدّرك النجوم اللي رفعها الله ورى سحبه
عليك أخلاق ورأي ونظرتك رمية سهم مايخيب=والك عزم ٍ مثل قدح الشرار وزنّد تقدح به
وعدلك كنه ساحة معركه ماتظلم الحرّيب=والك فزعه تسجّل في صدور أهل الوفاء الرحبه
ياأكبر من فزوع الزير سالم في أخوه اكليب=مثل فزعة معزّي لا فزع وأستفزع (ال) صحبه
ويااكبر من مدير واكبر امن المدح والتجريب=لأنك مدرسه منهجك تدريسه بننصح به
أنا أقوله ووجهي طلق ولساني عداه العيب=ومن يمشي على الدربين جٍعل الريح تلفح به