[مسموح يالغالي]

هذه القصيدة قيلت بمناسبة حضور أمراء وشيوخ وأعيان قبيلة بني رشيد في عام 1429هـ شهر ربيع الثاني عند زيارتهم أسرة آل قبيل قحطان بالمنطقة الجنوبية محافظة خميس مشيط وهي من نظم الشاعر / الحسن بن عبد الله آل عامر القحطاني (( مسموح يالغالي))

عالم النيات وأســــــــــرار الخفايا =نسألك يالله في صــــــــــــدق النوايا

أنت سبحانك كــــــريم بفضل مدك =لا عطيت أجـــــــزلت يا جزل العطايا

نحمدك حمد (ن ) يليق ونسـتعينك = يا عظيم المن يا كـــــــــاسي العرايا

بعد حمدك نسألك صلي وسلـــــــم =عالشــــــــــفيع الهاشمي يوم اللقايا

ساعة الفرة ويوم الحشــر الأكبر=يوم ينشـــر بالصحف حسن وخطايا

جمل الموقف لمن يشـــهد بفضلك =يا كـــــــــــــــــريم المدَ مداتك بقايا

بعد هذا مـــــــرحبا طيب ومحبه =يا حميدين المكـــــــــارم والسجايا

يا سلالة من حفظ ســــره وصدق =بالنبي المصطــــــــــفى نور الهدايا

يا هل الطالات يا حل المــــواقف =المعزه دوم تحـــــــــــــدى للمطايا

الرشيدي فخر والعليا مقــــــــامه =ما يجاور غير للســــــــحب الرفايا

مرحبا كثر الرعود المستهــــــيمه =في سحاب الشوق ساعات الروايا

فاح طيب العــــــود قرب الشاذلية =قدر من فعله علــى روس السرايا

صبها بالشـــــــوق من ينطر لقاكم=من ربا بالصــــــدق وأجنب للحكايا

من رقا النايف يمد الشـــوف نايف =لجل ما يبلش بنظـــــــــرات الزوايا

الجميلة كــــــــــــايده والطيب كايد =والفعول تعــــــود في عكس المرايا

والدروب اللي توصل للــــــــرفيعه =ما تعيق الرجـــــــــل وأقدامه حفايا

ولا تصفق كف من كفه عطــــــــيبه = لو خذا المعنى من المعـــنى خفايا

اسأل العليا من اللي قد وصلـــــها ؟ =والملا تشهـــــد على روس البرايا

المعاني تندب حضــــــوض التشتت =والشتات أكبر عـــــــدو قد المزايا

لا يموت الغصن والفــــــــلاح داري =بالجذور اللي تحــــــــت كفه ندايا

والله أنا ما هرجنا من مكــــــــــــيده =ولا حسبنا الســـــم ببطون الحيايا

العرب لو تجتمع في العمــــــر مره =حررت قبلة من جنـــــــون البغايا

يرتكز سيـــــــــف الحقيقه مثله أول =في قلوب الشرك ووجيه الخزايا

كم خلق ربي وكـــــم بالخلق فرق = كيف لا !! والصقر يتعلى الحدايا

يالله أنك تنصر الدين وتعــــــــــزه =وأكفنا يالله من شـــــــــــر البلايا

عالم النيات مــــــــــــا غيرك عبدنا =والســـــــلام ختام نيات الصفايا

الموضوع الأصلي: عالم النيات ( قصيدة قيلت بمناسبة زيارة بعض شيوخ قبيلة بني رشيد لأسرة ال قبيل من قحطان | | الكاتب: مسموح يالغالي | | المصدر: شبكة بني عبس