كبروا الله وصلوا على الهادي رسوله=وأوزنو وقع الخطاوي وسجع ألحانها
ياطوابير الحرس يامناديب الرجوله=ياحماة الراية اللي تعلى شانها
يانشاما وقفة العز .. ياعيال الحموله=ياسعاير ساحة الحرب يافرسانها
ياهل الفعل المسمى ماهو قول نقوله=ياملاحم سيرة المجد ياعنوانها
أنتم السيف المسلط على الشر وذلوله=أنتم جذور المنايا وجرد أغصانها
في ميادين الشرف جالكم صوله وجوله=لين صنتوا للمعالي شرف ميدانها
أرجفوا رجفة رعود من المنشى عجوله=وألمعو .. لمعة بوق ٍ بغر .. أمزانها
والله اللي بين الحق في محكم نزوله=مانبور بقبلة الأرض فخر أوطانها
في ذرى حكم الشريعه لنا هيبه ودوله=عز .. وحدتها معزي وربي صانها
مساعد الرشيدي