[خيال نجد]

بسم الله الرحمن الرحيم

أقام الشيخ سمير بن مرزوق القحيم وليمة لزملائه بمدرسة الأمام حفص المتوسطة في وادي مشار يوم الاثنين الموافق 28/11/1430هـ ، وقد ألقى خلالها الشاعر حمزة بن رجاء العنزي قصيدة بالشيخ سمير بن مرزوق القحيم الرشيدي يقول فيها ..

ابدأ بذكر الله قبل كل بـــــــــــادي

علام ما بالكون عدل ومــــــــــايل

***
الواحد المعبود رب العبـــــــــادي
والعبد من دونه ماله وســـــــــــايل
***

ومن بعد ذكرك يالكريم الجــوادي
ياللي لك المخلوق كله تســـــــــايل

***

سجلت من صدري بيوت جــدادي
بشيخ تبين بالفعول الجـــــــــــزايل
***
أبونبيل اللي رأيه ســــــــــــــدادي
ابن القحيم اللي انشا من ســــــلايل
***
حر تسلل من طيور الهـــــــــدادي
رتب حروف المجد واف الخصايل
***
فعله من المعروف ماله عــــدادي
والطيب يذكر يا حصــــل به دلايل
***
هذا الكلام اللي ذكرته وكـــــــادي
يشهد لها التاريخ بطيب الفعــــــايل
***
ومن عهد أبونا آدم ونوح وعــادي
والطيب موجود بكل الحمــــــــايل
***
تمت بذكر اللي عليه اعتمــــــادي
الدايم الله وكل مخلـــــــــــوق زايل
***
وصلاة ربي عد ما ســــــال وادي

على نبي جاب كل الفضـــــــــــايل