ياهاجسي صوتا من بعيد ناداك=من عالي هضاب المحبه دعاكا
شد الرحايل له وزهب مطاياك=وارخ العنان لمسرجاتا تباكا
ارسم علىطويق الجبل سكة خطاك=حتى تبين لي مواري خطاكا
الله يجملي مشدك ومبداك=ويزين لي بين المهار معداكا
صوتا تناديني ترا هاجسي جاك=سمعت فجبال الضماير صداكا
تصرخ علي وهاجس السمع موحاك=لولا المشاعر تستجيب لنداكا
وايضا بحوري مع ترنم شفاياك= تهيج ويدب الهلع والهلاكا
ويسل واد الشعر من فيض ذكراك=لو كان نبته ميتا من بطاكا
يالي من غبون الغلا اسقيتني ماك= وعليت نبت ارضي بوابل سماكا
حبك بحر وابحر معه مثل الافلاك= واسطول شعري مارسا الابماكا
يالي جبين الصبح طلة محياك=اليا تفجر في ضلامي سناكا
ومن انكسار الضو بالما حلاياك=بينك وبينه بالميول اشتراكا
تكبر ويكبر في همك وبلواك= ويزيدفي قلب المعنى غلاكا
انت الهوى وانت المنى وانت الاملاك= وانت الذي جريتني في هواكا
عفا عن الهفوات طبعك ومبداك= محشوم والعفه تكون غطاكا
تبطي تشيب تموت لايمكن انساك= ويشيب عصفور الهوا مانساكا
دام الغرام لهاجس الشعر وداك =كل الهجوس الغاليه من فداكا