كل ماجيت اكتب الخط واعطيه الطروش
خفة من هرجة عدو ٍ يحب الوشوشه
حبنا حب ٍ على ساس ماهوب امغشوش
يوم بعض الناس حب الهواتف مبلشه
يزعج العربان لو كان مايقدر ينوش
يحسب ٍ الحب ضحكة لسان وفرفشة
يم خزرني بالعبون الوساع ام الرموش
ان فهقت اخلاف خطوه وجاء في ارعشه
كني اللي شاف خصمه ولايقدر يهوش
ما نتبه له لين طلع سلاحه واربشه
انقسم قلبي وكنه من الصدر امحشوش
مير ربي رد قلبي محله وانعشه
عنق ريمٍ يلتفتبه من الصوت امخروش
فز قبل تشوف عينه سمع صوت اقرشه
فالعيون السود شبه من اعيون الوحوش
والحجاج اسود وكنه بكحله ينقشه
والشفايف كنها الورد فالوجه البشوش
من بياضه لو ينوش الاصابع تمخشه
ما تسمع في الاغاني ولا افلام الدشوش
ولا تمشى بين راعي الذهب والاقمشه
لو اشوفه مقبل ٍ لي وحظي له يحوش
والله اني لا ازرع الدرب ورد ولا افرشه