السلام عليكم ورحمت الله وبركاته
وبعد احببت ان انقل لكم هذا القصيده وهي الشاعر كاتب الفديمه
وتعبر عن نفسها ومعانيها وسال الله ان تحوز على رضاكم
وتقبلو تحيات /اخوكم بعيدالمصابيح
ودعتهن قبل امس في يوم الاثنين=توديع فرقى مابعدها تلاقي
مثل الذي ودعه شوفه من العين=واحرمه من شوف الاهل والمراقي
فيهن ثلاث رياض وعشره بساتين=ولي عن سموم القيض مرفا وواقي
وسبعت عشرمنهن مخاضير وسنين=سوقهن سوق الجمل للنياقي
وعامين منهن ياهل العرف عامين=فيهن تحطم مركبي واعتناقي
كني على جمرالغضى مستوي زين=وانا اتحرى لهفتي واشتياقي
اخذ مع د و الخلا يسار ويمين=وطلب عسى ربي يعافي اشواقي
وخوانها وخواتها اللي صغيرين=اللي على بيض السراير بواقي
لاشفتهم يهل دمعي من العين=ويصير عندي بالوسيعه اضتياقي
من الكيماوي صايرن شوفهم شين=والروس بيض ومثل بيض الطواقي
ياالله ياقابل صلاة المصلين=انت العظيم اللي على الكون باقي
يامنزلن صورت تبارك وياسين=ياباسطن سبعن وسبعن طباقي
يارب تخرجهم لاهلهم معافين=وتبدل الاحزان فرحة تلاقي
ياسامعين لدعوتي قولو امين=ودعولهم عند المساء والزراقي
شعر / كاتب الفديمه
ارجو ادخال هذا القصيده من ضمن المسابقه الشعراء
وهي لشاعر / كاتب الفديمه
ولكم جزيل الحترام