[بندر بن صبح]

اقتباس من مشاركة الجدي السلام عليكم ورحمة الله وبركاته الفكرة ممتازة ورائعة وبادرة طيبة من الاخ كاتب ويشكر على ذلك واللجنة كفو وعلى راسهم الهرم الشعري العمدة ناصر خنيفر انتظرونا ان شاء الله اكون من المشاركين ودمتم بود وتقدير

مشاركة الجدي المتواضعة:

آه من وقت غدا سبعه هزيل=اوضباعة سامنه من كل صوب
وقتنا اللي مانحصل له حصيل=راح يشعبنا على كل الدروب
يشعل البارود في راس الفتيل=رحت انا وياه حارب ومحروب
وكل ماعدلت به ميل يميل=تصفق ابنا ياعرب صلف الهبوب
كم صديق كان واليومه محيل=مثل نجم بان ثم جاه الغيوب
وكم صديق بالرخا يصهل صهيل=وان بدا لك لازم ثلجه يذوب
وكم صديق فيه من طبع البخيل=مايسرك لو تبا منه الذنوب
وكم صديق لو تجي يمه دخيل=مايقدر جيتك مالك وجوب
كلهم نفس الشكل نفس المثيل=بالجروم وبالعقول وبالقلوب
الله اكبر كل ماينزاح ليل=والله اكبر لاضوى وقت الغروب
اتذكر واتفكر واستخيل=في ليال دوبحت يادوب دوب
لاهي واطرد هوى نفس عليل=لين شفت الوضح بالعارض تلوب
ادري اني طرقي وعابر سبيل=وادري ان الله يقبل كل توب
يالله اغفر ماتقدم ياجليل=واغفر اللي ماضي لي من ذنوب