مدام وصل الامر فينا لها الحدّ=ياجب نحدد كل حد(ن)أوحدّه
إي والله انـا للخطأ دايم(ن) ضـدّ=لأن الخطأ دايم هل الحق ضدّه
وإي والله انا لحقنا نقوم ونردّ=ومن لايرد الحق ما الله يردّه
وإي والله ان اشدادنا فوقه ايشدّ=يوم الشدائد واشتداد الاشـدّه
العد منا العد واحنا هل العـدّ=إي والله انا اعتاد(ن)إلها أوعـدّه
ماهو بنا مِن مَن يمنن له ابمدّ=ولاهو بنا من غير يمناه مدّه
منهو بقا فيها ومنهو عنه شدّ=ومنهو دفع قيمة ثمن من يودّه
الخد امد وبينا موعد الخدّ=عيب(ن) على من ماحمى قاع خـدّه
لابد مابدّ(ن) بداله وله بدّ=ولابد مابدّ(ن) مباديه بـدّه
ومن تطرف ايدينه عيونه لها سدّ=ماتفعل ايدينه بعينه يسـدّه
واحد من العشره بها يعتبر فرد=ياما انفرد عنها وهو مافردّه
انا ورثت المجد جد(ن) بعد جدّ=من قبل لايوجد وجوده أوجدّه
ولافيه يوم الا من الامس والغدّ=واليوم شفت امسه ولاشفت غدّه
الله
الله الله
ياسلام عليك وعلى هذه القنبله
الأخ
الغالي
وابن العم
منصور بن هديبان
نعم من لايرد الحق ماالله يرده
صح لساك وأعتلا شانك وسلمت بنانك
قصيده جزله قمة الجزاله والعذوبه
تعانق النجوم بمعانقة شاعرها
سبك وحبك ومعنى
بس ياليت تطلب من الأخوان المشرفين تنسيقها بهذا التنسيق
وتعديل الأخطاء الإملائيه
لاهنت
تقبل مني
أعذب التحيه وأزكى الإحترام
دمت بحفظ الخالق
أخوك
عايض باين المهيمزي