[عايض بن صالح]

اقتباس من مشاركة ناصر خنيفر ماذا تعني هذه الابيات ارجو المجاراه ونقض معنا البيوت وين انت ياوقت الطرب ولوناسه= ماعاد باقي من رموسك بقايا العام فوق العد ياكثرناسه= اشوف مظهور البدو والرعايا يوم الذهب مادمج داخل نحاسه = ولا بيعوه اهل الدجل والدعايا من السطر كل ٍ يومي براسه= كل ٍ يبا يسبق لجم الركايا واليوم بس الريح تسمع حساسه= بغصون يبست من ورقها عرايا دارن تروع اللي يجيها عساسه= قدح السراب بجردها كالمرايا ياول يادنيا الشقا والتعاسه = نضحك وهي تجمع سهوم المنايا والشاعر الفاهم يقول اقتباسه = وقول عاش اللي يعرف معنايا

ايييييييييه يالله المستعان يابو تركي ذكرتنا يالعود الله يسامحك هههههههه

طيّرت من موق ابو صالح نعاسه=وبيحت ياناصر جميع الخفايا
ولاعاد فيها يابو تركي دساسه=بابوحلك عن ماتكن الحنايا
ماهي يابو تركي سوالف بلاسه=لفحة هبوب مرودعات الشفايا
اللي سقني من هوى الموت كاسه=اسبوت رجليه عليهن حفايا
لوممتلك معهن علوم السياسه=ماصارلي معهن علوم وحكايا
ياماسهرنا ليل حالك دماسه=على صدف ضوء النجوم السرايا
يطير من راس الهواوي عماسه=لوهو على سالف تعبهم ونايا
وقبل ضلام الليل يفصخ الباسه=ويطير نوم مدورين الوشايا
كلاً يلملم حاجته في مداسه=من شان مايلقا العفشه حلايا
يوم الشباب القاع طيب مساسه=تارد على جم العدود المطايا
واليوم واحدنا تراقل اضراسه ههههه =ياالله حسن الخاتمه فالنهايا