فديت روحك من الهمسه الى اللمسه
ياباشة الغيد يومك جيتني عاني
العين فاقت عقب ماهيب معتمسه
والبال ريّع بعد ماكان متواني
لبا خفا ماتكنه نفسك الحمسه
اعتابها صار يامرني وينهاني
ياحي ذاك العتاب وحي هالرمسه
وياحي صوتٍ سمعته يوم ناداني
بعدك ترى الاربعه عندي غدّت خمسه
ارقامها لخبطتني والله اذراني
الصبح يشرق وتبدي بالضحى شمسه
وأليا ادبحت للمغيب الموت وافاني
ظفيرة القلب عندي شبه ملتمسه
افطن لها قبل لا تبلى وتبلاني
مادام يدك بوسط الجوف منغمسه
ارفق ترى لو برده عنك ممداني
انا دخيلك من علومٍ تجي طمسه
لاتساوي المجني المظلوم بالجاني