[عبد العزيز]

قصيدة قديمة لـ الشاعر عيد بن مربح الرشيدي

رغم انها قديمة لذالك لازل محبين هذة الابيات يرددونها الى يومنا هذا

اترككم مع الابيات ..

ياالمور خذ خانت الخامس من اليمنى=تحتر تبرد تـرى الاخـلاق خربانـه
والله لتمشـي وحـنـا ماتفاهمـنـا=مـدام ميقـوع ماعقـبـت قلبـانـه
ولاتشكي الوقت حنا الوقـت ظالمنـا=ودليل ظلمه تراك تشـوف برهانـه
ان ادبرت شدنـا يرخـي محازمنـا=نـروي بدلـوٍ يضيـع مـاه شقانـه
وننـادي أقـرب صديـق ولايكلمنـا=يبين وسم الغضب بأطـراف حجانـه
وليا أقبلت عدونـا يقضـي لوازمنـا=صداقتـه تستحـل بيـوت عدوانـه
وعـزالله أنـاٌ مـن الدنيـا تعلمـنـا=درسٍ صعيبٍ على التلميـذ نسيانـه
الله يجيـب الصديـق اللـي يطمنـا=ويـش حالـة ورعٍ ببيـت جـدانـه
لـو قصدنـا البعـد مرينـا وسلمنـا=ميـر البـلا شوفـة الديـان ديانـه

الشاعر / عيد بن مربح القلادي الرشيدي

الموضوع الأصلي: يا المور خذ خانة الخامس من اليمنى | | الكاتب: عبد العزيز | | المصدر: شبكة بني عبس