دار الفكر وتذكر الماضي وهاج
ايام كانت بين قلبي وبينه
اللي عليه من الاياويد منهاج
من يوم سافر والليالي حزينه
مايدري اني نظرته بس محتاج
واموت انا لاشفت عيني بعينه
ارضف ونيني واجعل الصيح عجعاج
شروى اليتيم اللي فقد والدينه
زرت الطبيب ولا عرف طب وعلاج
مايعرف الميهود غير الغبينه
حبه مشيد في الحشا قصر وابراج
لكن طلعت غادرات سنينه
يعني حياتي صارت ازعاج في ازعاج
اسير تايه واسال الربع وينه