سهرت أدوّر ألحان القصيـد ونمـت مـا غنّيـت
ملى صوتي شجَن وأفلت لسانـي حبـل تعبيـره
حرمت الجفن من طعم النعاس ورحت ما خلّيـت
لـ/ شعري .. غير حلمٍ من عرفته صعـب تفسيـره
يا عجز البيت قم داو الجروح اللي فـ/ صدر البيـت
أبيـه يطيـب بعيـش الشعـور بـدون تأثيـره
تعبت أحايل إحساسي يفارق صمتـي .. وملّيـت
ما أبي لـ/ إلشعر سيره دام مالي فـ/ الهـوى سيـره !
حبيبي لا بكيت من الوصال اللي مضـى وأبكيـت
غـرامٍ ضايقـه حـزن الفـراق و { شـلّ تفكيـره }
بغى قلبي يفضفض لـ/ إلزمن عن وضعه .. وعييّـت
أنا عاشق ليامن ضاق صـدره / صـكّ أزاريـره
أخاف يلاحظ الفرقـا بوجهـي " عـاذل " إن مرّيـت
وتكبر ضيقتي من عالـمٍ فـي عينـي صغيـره
فمان الله وسامحني على النسيان كـان أخطيـت
بعيش فـ/ ديره وطاري الهوى والعشق فـي ديـره
عطيت الحب قلب ونبض صادق بس وش سوّيت ؟
عطاني الحب هجرانك وبُعـدك لا كِثـر خيـره !
يا ليت الحب ما يرسم فـ/ عيني وجـهَ مـن حبّيـت
عشان إليا رحل عنّي حبيب .. أحب لـي غيـره
مما راق لي