[فتى كسلا]

احدث قصائدى فى المدح



تدور الارض والادم عليها يدور دون شعور= والارض الكوكب اللى عاش فيه ادم وذريته
وفيها شمخ منيفات يحسبها جماد وبور=وهى مر السحاب تمر جت للارض تثبيته
والادم خلق منها واخرتها بكبدها مقبور=ويذنب فوقها وهيه معذيته ومرويته
يشع البدر لاما زادت العتمه علينا نور=ووين اللى ير القوم فى دربن مخاطيته
مبادينا سلفنا الصالح ونبينا المذكور=وجت فى مجتمعنا افكار دخيله معاديته
غزت جهالنا بالفزلكه والفبركه والزور=وطاحت روس ضعف نفوس الا ليت الشعر ليته
يابو حامد سماك بعيد خله يلهث المسعور =اذا تحمل عليه بيلهث ويلهث لخليته
عطاك الله من صدق النوايا والورع دستور=كريمن للعطا منته منون ادامك اعطيته
يكم ضاعت خطاه وجاك يندب حظه المعثور=ومدت كفك اليمنى كرمها ووصلت لبيته
وجازا الطيبه بالمنكره واقنع ضعاف الشور=وباءت بالفشل واصل الفشل يرجع لناحيته
والاعذار تتلاشى لكن الاحقاد تلعب دور=ومن غلط ضماير نفسه اكيد انها ميته
يابو حامد شموخك نور بدد حالك الديجور= على الاسلام والايمان والتقوى تبنيته
عطاك الله هيبه فى قلوب الناس غيب حضور=وسمت مستمد من النبى الخاتم احييته
عليه افضل صلاتى عد ماغنا حمام الدور=حبيبى واتقرب لله بحبه وحبيته
واحبك يابوحامد والمحبه صدق ماهى زور=ولامنى مدحتك عينيه ماشى راجيته
ومن يمدح لشى يذم والمعنى عليه يحور=وشعرن ما كتب بالصدق روس اقلامى ابيته
وانا لاما نخيت الشعر جانى كالدرر منثور=وانظم بالخيوط الجيده وزنه وقافيته
ولامنى شهرت السيف اغزه فالنحر والزور=ولا اجامل ولا اساوم عدوى لين لاقيته

الموضوع الأصلي: قصيده فى الجبل الشامخ امير شمل بنى رشيد بالسودان الناظر احمد بن حميد بن بركى | | الكاتب: فتى كسلا | | المصدر: شبكة بني عبس