[سالم الرشيدي]

السلااااام عليكم ورحمة الله وبركاااته



انتشر حبك بجسمي .. لا وحتى بالعظام
واختلط حبك بدمي .. فالمعاليق يعدي



يا هيـام ٍ في هيـام ٍ في هيـام ٍ في هيـام
يا ضياعي ! يا اتجاهي ! يا دروب المهتدي


لو تذوق النوم .. جفني ما تهنّى بالمنام
طاوله فيك الغرام .. وطاوله فيك سهدي


لك حبيبي في ثنايا جوف هالقلب احترام
لك حبيبي قولتي:لبيه .. آمر .. يا بعدي


كيف اصبحك بسلام وكيف امسيك بسلام
وانت في مجرى وريدي مع سواقيه تغدي !


لك عيوني لك حياتي .. لك سنيني لك مقام
لك حلالي لك فوادي .. لك ورودي وشهدي


فوق كفك دق حنّا .. والبلا فعل الزمام
والحلا .. ليل ٍ تسلل فوق الامتان اجعدي


لا طويل ولا قصير .. ويا حلو زين القوام
جلّ من صوّرك والله فـي غرامـك مولدي


مـا لقينا لـك شبيه ٍ في غنـادير الشـوام
ومـا لقينا لـك شبيه ٍ في بنـات الاحمـدي


انت دانه وانت آيه .. وانت عشق المستهام
وانت نادر في عيوني يا .. عيوني وسعدي


وانت والله يا ( صغير الحب ) من قبل الفطام
ما قصرت الفكر دونك .. لا ولا ضاع جهدي


انت امسي وانت انسي .. وانت جرحي والختام
وانـت والله يا حبيبي .. شمعة اليوم لغدي


انت غايـة مطلبي يا روح روحـي والغرام
وانت شف البال والله وانت غايـة مقصدي


احسد البرقع عليك .. ولا حسدت إلاّ لثام
كيف ما يخجل ! وليله ما غدى عنه اجودي


فوق خدك حب خالك وازعلوا منه العمام
كيف يقدر يستبيح الخـد يا خـد ٍ ندي !


ترتدي ثوب الشرف و العز من فوقه وسام
كيف ما يصبح وسامك ! وانت عزّه مرتدي


بنت شيخ ٍ ما توانى .. ما يفك إلاّ الزحام
فزعة اللي ينتخي ويصيح تكفى يا سنـدي


و الحظيظ اللي قرب حظه من حظوظ الكرام
ما خشى شر الزمان .. ولا خشى الحظ الردي!


اترك الواقع واعيشك في خيالي بنسجام
واربط الواقع بأحلام الخيال السرمـدي


ما بغيتك فالظلام .. ولا بغيتك بالحرام !
ما بغيتك غير بالعز الشريف المقتـدي


ما بغيتك بالتلاعب .. ما بغيتك بالكلام
ما بغيـت إلاّ اخوك يصير خال ٍ لولدي


لك جنوني لك ظنوني .. يا حبيبي والسلام
وانت غالي .. ثم غالي .. ثم غالي يا سعدي

الموضوع الأصلي: ما بغيـت إلاّ اخوك يصير خال ٍ لولدي ,! | | الكاتب: سالم الرشيدي | | المصدر: شبكة بني عبس