15-09-2009, 03:05 PM
|
|
رساله من راقب الناس مات هم
إثرك تموت وتنقهر كل ماجيت
لا شفتني عقب البطاء ف الإجازه
كني على كبدك جلست وتراكيت
بشرني الموقف رهيب إنتهازه
تراك حاجه زايده ويش سويت ؟
وفالمجتمع والله مامنك عازه
انا ماشوفك لو تحرك وأوميت
لاشي أمامي وأنجبر بإجتيازه
ماشوف شكلك شلت..حطيت..خليت
شفاف عندي مثل شكل القزازه
لو إنتصادف بس انا وانت صديت
صوتك نشاز ويتعب إذني نشازه
والله لانت بشايع الذكر والصيت
ولا انت إخو نوره ولا انت الجنازه
اركد ترى ماحدٍ درى لا تعنيت
عدٍ هجره الناس سبة نكازه
احرقت نفسك بالحسد يوم شبيت
في قلبك اللي بالحسد شب غازه
خلك كذا والعيب لا منك ازريت
ولع في صدرك غاز حقدك وقازه
يالله دخيلك من عمى قلبه الميت
ياااارب عفوك وانت يارب جازه
والحين بعد إللي حصل كل ماجيت
بأخذ على شانك ثمانين إجازه
مسعود الحويزي
|