أهداء هذه القصيدة المتواضعة إلى محطّم الأرهاب.الرجل الشجاع المجاهد.رجل الأمن الرجل المخلص لدينه ومليكه ووطنه .سيدي صاحب السمو الملكي الأمير/محمد بن نايف بن عبد العزيزآل سعود حفظه الله ورعاه من كل سؤٍ ومكروه اللهم آآآآآ مين يارب العالمين..
يامحطَّم الأرهاب.
سلمت يامحمد وللخير نايل=ياسيدي دايم عدوَّك تضرَّه
والإَّصديقك في جميع الوسايل=بالخير والمعروف دايم تبرَّه
ياسيدي عن راسك الشّر زايل=من جاب شرَّه راح بأسباب شرَّه
سبعين قطعه راح والموت شايل=راسه لعل النار مثوى مقرَّه
يامحطّم الإرهاب لاجاك عايل=يالقا مصيره والمنيّه تجرَّه
ياسيدي هذي أبياتٍ قلايل=لبّستها لأجلك جواهر ودرَّه
مثل الأصيله بين جيش الاصايل=حرَّه وابوها حر والأم حرَّه
من العلم والراس الأبيض وحايل=جاتك وحبّك في ضميري مقرَّه
جاتك تهنّي بسم شعب وقبايل=وبسم قبيلة عبس طيب ومسرَّه
على سلامتكم وهذي دلايل=والموت بعيون المعادي نثرَّه
سلَّمك ربي ياعريب السلايل=وأنجاك في جوَّه وبحره وبرَّه
تقبلو تحياتي أخوكم/ عبيدالله بن دعيع بن عمير الرشيدي
وكل عام وأنتم أحبتي في الله بألف خير