مبروك عليك الشهر يابو عيسى
والله يتقبل من الجميع الاعمال الصالحه
انا اخالفك الراي في موضوع الايميلات ومنع وضعها ؟
يابو عيسى حنا بموقع القبيله واغلب الي يشاركون من عيال القبيله والضيوف الاعزاء
انا اذا حطيت ايميلي فما فيها شي ابد ، يشرفني يضيفني اي واحد من اعضاء الموقع وتشرفني معرفته
ليش ننظر للجانب السلبي ؟
انا استغرب منك نشر بعض الرسائل رغم خصوصيتها وحده من الرسائل يقول راعيها ( ان الي يحط ايميله اكيد ويبي يشبك ) سبحان الله كلن يرى الناس بعين طبعه
انا ابي احط ايميلي عشان اتعرف على عيال القبيله وعلى الرجال الي مثلكم وشرواكم
مافيها شي ؟
انا بصراحه اعجبتني مشاركات احد الاعضاء قبل سنه تقريبا واعجبتني قصايده وكان حاط ايميله بالتوقيع واضفته وتعرفت عليه وقابلته وسير علي بالبيت وسيرت عليه ودقيناها صحبه انا وياه ( وهذي من فوائد الموقع )
الموقع القبلي يختلف عن المواقع الاخرى اكيد بس ولو منع وضع الايميلات مصادره علنيه لحقوق الاعضاء مع كامل الاحترام والتقدير للاداره ورأيها
اعتقد اننا اكبر من هالامور يابو عيسى ونظرتنا سمااااااااا
اما بالنسبه للصور فهذا الشي انا معكم فيه بنسبه 100 %
وهذي وجهت نظري مع احترامي لرأي الاداره
وكل عام وانتم بخير