السلام عليكم ورحمة الله وبركاته ..
اخواني الكرام ..
هذه ترجمة ً بسيطة عن حياة الشاعر المعروف عبدالله من سبيل رحمه الله ، أرجو ان تحوز على رضاكم وتنال إعجابكم .
المقفي اقف عنه لو كان مملوح = المقبل انهضله شراع السفينه
[ عبدالله بن سبيل ]
مولده ونشأته
... هو عبدالله من حمود بن سعد بن سبيل الباهلي ، انتقلت اسرته مع بني عمهم آل عويويد وآل رشيد من مدينة المذنب إلى " الأثله " وعمروها واستقروا فيها .
وفي بلدة " نفي " ولد الشاعر عبدالله بن حمود . وفيها نشأ وقضى حياته وفيها توتفي عام 1352هـ نشأ في هذه البلده الوادعه ، وكان طويل القامه أبيض وسيماً بهي الطلعه وكان هادئاً حييا ، ونظم الشعر في وقت مبكر من شبابه وأحرز به شهره واسعه .
وكان صبوراً جلداً ، يواجه المصاعب بالرضى ، ويستقبلها صابراً لا يشكو إلا إلى ربه .يقول في قصيدة مطلعها :
[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يا كاشف عن أيوب ما به = من الضر ياقابل مطاليب يعقوب
يارب يوسف يا مصدق جوابه = يا مظهره من ماقع فيه مصلوب
ياداعي بنداه موسى واجابه = يا جاعله غالب وفرعون مغلوب
يا مخرج ذا النون يوم اكترابه = عقب اربعين بغبة البحر مسكوب
ولين لداؤود الحديد اكتسى به = ومصخر لابنه من الريح مركوب
تفرج لممتحن يبي منك ثابه = ضاق الفؤاد ودك به كل دالوب
يوم ان ختال الزمان التوى به = ما يرتجي لحذاك ياخير مطلوب
هاب الرفيق اللي عرض لي جنابه = بالطيب وأظنه من الطيب منتوب
يوم اتضح واليا الزمان امتشابه = صارت مواعيده مواعيد عرقوب[/POEM]
[ ثـقــافـتـه ]
... عاش اميا لا يقرأ ولا يكتب ، ومع ذكل فأننا نجد في شعره ثقافة إسلاميه لا بأس بها ، كانت الثقافة في عهده تكتسب بالسماع إذا كان المرء على جانب من الاهتمام والفطنه . فهناك درس يقرأ في المسجد بعد صلاة العصر في المدن والقرى ، وغالباً يكون من أحاديث النبي صلى الله عليه وسلم أو في تفسير القرآن ، يقرأ كل يوم .
يقول في قصيدة أخرى :
[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالعبد قيس ما طرا لك على البال = دنياك لا تلهيك عن تبع دينك
واعرف ترى ماقسم لك مابه اشكال = يجيك لو كل العرب حاسدينك
والمال مثل الفي لابد ينزال = مر عليك ومرة في يمينك
والفريق في تبريق ربك بالاعمال = في ساعة تذهل بها والدينك [/POEM]
[ حياة الأجتماعيه ]
... عاش متزوجاً ، رب اسرة له بنون ، وكان لأسرته مكانة في مجتمعهم ، غير أنه لقى اضطهاداً شديداً في الفترة التي سبقت حكم الملك عبدالعزيز من حياته .
[ شعره ومنزلته بين الشعراء ]
شعره في غاية الجوده وإحكام السبك ، وصحة الوصف الواقعي ومتانة الألفاظ وعذوبتها حتى فاق كثيراً من الشعراء ، المتقدمين والمتأخرين وطبقت شهرته الحاضرة والباديه .
[ بعض قصائده ]
[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يا عالم جميع الغيوبي = ياللي إلى ضاقت علي الناس نادوه
أشكي عليك البدو عوج الدروبي = اللي إلى هموا لهم مربع جوه
البدو هم وظعونهم هبلوا بي = هني قلب لا عرفهم ولا جوه
شدوا وخلوني على الدار اهوبي = مثل البعير اللي عن السرح ردوه
شدوا ومدوا بالغزال العجوبي = ياليتهم من جملة الحضر خلوه
مركوبه الاشقح عريض الجنوبي = دمث المناكب للمحاويل عفوه [/POEM]
[ شاعرنا يا تذكر الماضي ]
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامل قلب خالطه هجر وهيام = وله بين محني الضلوع انهشامي
من شوف قصر الزين مردوع الأوشام = خلي خلي وباب قصره هدامي
العام في دار بها رزق وانعام = واليوم في دار هماج الجمامي
ياراكب هجن هجاهيج وهمام = لا روحن يشدن لجول النعامي
تلفي لنا ديرة هل البر وايدام = وذباحة الخرفان للي حشامي
اهل دلال ما تبيع بالاوسام = عابين له بن يحرق شمامي
إلى فليتوهم بتخبير واعلام = ردوا على مضنون عيني سلامي
اللي يشيل الثوب ردفه إلى قام = والعنق عنق مذيرات الادامي
ومبيسمه يزها دناديش وزمام = يشدن قحاوين بنبت العدامي
والراس ذيل اشمرة عند حكام = والخد براق يبوح الظلامي [/POEM]
[ اروع ما قاله شاعرنا ]
[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعين وين احبابك اللي تودين = اللي إلى طاب الوطن ربعوا به
أهل البيوت اللي على الجو طوفين = عد خلا ما كنهم وقفوا به
منزالهام تذري عليه المعاطين = تذري عليه امن الذواري هبوبه
عهدي بهم باقي من السبع ثنتين = قبل الشتا والقيظ زل امحسوبه
قلت جهامتهم من الجو قسمين = الزمل حدر والظعن سندوا به
يبون مصفار من النير ويمين =الله لا يجزي طروش حكوا به
ويقول عبدالله بن سبيل
ياوامر خلقه على حج بيته = يا الله يا اللي تسجد الناس لرضاه
راضي على مقسومك اللي عطيته =تفرج لمن سده على الناس ماابداه
والناس ما يشفون ان ما شفته= من شيء يسل الحال والجسم يبراه
وان حملوني غي قويته =قلت آه واجرحاه من خلتي آه
قلت آه ويش المنكر اللي وطيته =قالوا سفا بالحال ويش اللي أغواه
قلت آه علمي بالملا ماكميته =قالوا جهلت وبان علمك لمنهاه
قلت آه وحدته وعفوه رجيته =قالوا طلبنا لك من الله معافاه
قلت آه هذا وارد مابغيته =قالوا هله واحباب عينه نصحناه
قلت آه لو غيره يكفي رميته =قالوا لدور لك من البيض حلياه
قلت آه عود الموز بيدي لويته =قالوا نشاف العود مالك بلاماه
قلت آه لو اخذت ارسع مانسيته =قالوا تزوج كود ندله وتنساه
قلت آه ما أنسى يوم جاني وجيته =قالوا من اقصي الناس وين انت وياه
قلت آه عمره ماعقب حج بيته =قالوا نشوفه عند هذا وهذاه
قلت آه باقرابي وروحي فديته =قالوا عليل ناقل ناقل داه برداه
قلت آه هراج التمايم عصيته =قالوا نشير ولا نفع ما حكبناه
قلت آه لو قلبي غرير نهيته =قالوا كثر شيبك وقلبك يعمياه
والى عطى منهاج درب عطيته =مطاوع قلبي بعفاه وقدراه
فلتوا كثير وقولكم مالقيته =ياناس خلو كل وادي ومجراه[/POEM]
ويقول رحمه الله
[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]للحب في وجه المقابل مواري =رفع الحجاج وضحكته وانطلاقه
والا من المقفي تشوف النكاري = ياله فراقك وانت تاله فراقه[/POEM]
ابن سبيّل في نظري أفضل شاعر غزل
وفيه قصيدة من أروع قصايدة بحاول أجيبها
اللي يقول منها
[POEM="font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يوم الركايب عقبن خشم أبانات = ذكرت ملهوف الحشا من عنايه[/POEM]
الين قال
[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أخذت لي في ماضي الأيام سجات =يوم الهوى قايم وانا اتبع هوايه
واليوم شبت وتبت عن كل ما فات = وطويت عن كل الموارد رشايه
الا في يوم اذكر خطاة الخوندات = اللي مقاديمه تعدى الحظايه
اتجازي الهراج بغضاي وسكات = ولا تبين له سريرة وغاية
لولاي اوسع خاطري بالتنهات = وابصر بحالي من خلاي بخلايه
لاغدي كما المذهب وارمي بالاصوات = خبل على ما قال راعي الروايه[/POEM]
أرجوا اني ماقدم إلا ما يحوز على رضاكم وإعجابكم .. آمل ان يطرب مسامعكم ويسر نضرتكم ..
الاجهر يحييكم وشكراً