السلام عليكم ورحمة الله
هذه محاورة جمعتني مع الشاعر الغالي البرمكي وكانت البداية عندي
شاعـ ع ـر
سلام ياهل الحلة اللي طيبهم فوق النجوم=ورثٍ لهم واهل الوفاء تذكر بطيب افعالها
الشاعر اللي يعشق المعنى وله قلب عزوم=يعرف علوم الملعبة من دقها وجلالها
البرمكي
فيك البقا ياللي تسلم ياعسى عمرك يدوم=اقولها عن عبس لوني ماني من جالها
انا من اللي يعشق المعنى وزينات الرقوم=اللي على نص ارقبتها ملتون سلسالها
شاعـ ع ـر
الدين واحد والوفاء بين العرب ساس السلوم=ياهل العراق اشجاركم عيا يتم ظلالها
انا سمعت اخبار قومٍ دارهم حرب وهموم=الحية الرقطى رماها الله بشين اعمالها
البرمكي
انتا من ايا قووم حتى تستوي كل العلوم=قدام لا الدلة عليكم يندرج فنجالها
انت السبب باللي حصل بين الشلاوى والبقوم=نيتك ياشين النوايا ماوقف مرسالها
شاعـ ع ـر
انا على سنة محمد بين حج وبين صوم=واهل العمايم في ديارك فالنا ولا فالها
اللي حصل ياصاحبي هذا مقدر ومحسوم=لايضيع فكرك ثم تضّيع غترتك وعقالها
البرمكي
ماقلت كافر ندري انك من رجاجيل قروم=من ربعة وقت اللقاء كل يعرف ابطالها
لكن خل المشي سيده دام رجال محشوم=اترك علوم منزلك بعيد عن منزالها
شاعـ ع ـر
ياصحابنا ياللي تعرفون القرايب و الخصوم=وش قولكم بالشاعر اللي ماعرف مدخالها
النكبة اللي فوق راسك قسمكم بين القسوم=ماتنجلي لو بعث هارون الرشيد وشالها
البرمكي
عز الله اني عارفن كتب الحروف مع الرقوم=لكن بعض علومكم عيبن على من قالها
انته فرحة امشكلتنا بعتنا للي يسوم=للضبعة العرجا وصرنا من ضحايا عيالها
شاعـ ع ـر
ارسلت لك ياصاحبي ظرفٍ مغلف ومختوم=لكن شوفك يعكس الكلمة ويرثى حالها
الفرس صارت بينكم تأمر على عم العموم=لاهل النجف واهل الديار الثانية تسعالها
البرمكي
اقول لحفها هدوم احسن تلحفها هدوم=كشف الامور يخرب الموجات هي وارسالها
شين ماهو قدي وقدك اتركه والله رحوم=خل الغرف في قفلها بالك تفك اقفالها
شاعـ ع ـر
اليا فتح سوق المنايا عندنا فرك الخشوم=موت المعزة دون غث كبودنا وطحالها
الفزعة اللي جاتنا من وجهة الشرق اليموم=ردت على بعض الاكابر صوتها واموالها
انتهى الطاروق