[شامان]

حضرنا الحفل وقنعنا
عزالله انه الحفل اللي اجتهد راعيه ولا وفق
قالوا لجان اعلامية وتنسيق ولا شفنا شيء لا اعلام ولا تنسيق ولا حتى كلمات توحي بالمناسبة وحجم الحدث يا اخواني لا احد يزعل كلامي ابقوله بكل صراحة اذا كانت هذي احتفلات القبيلة قفلوا بابها لانها لا تمثل الا ناس معينين الشيء الاخر قال لنا الاخ ابو سعود ان فيه حضور من قناة الساحة والواحة والبوادي ومجلة المختلف وقطوف - ولا شفنا الا راعي الكلمة اللي يقول انه صحفي بقطوف وين القنوات يارجال الكذب خيبة والضحك ماله داعي - المفروض نحط يدينا بيدين بعض ونسوي حفل زين والا نتركه احسن وابرك - انا اشكر الشيخ قعيد لكن ملاحظاتي لازم اقولها من باب النصيحة - شعراء بني رشيد كثير وكل شاعر جاي له من منطقة وانا بصراحة حضرت متاخر بس نشدت بعض الحضور قالوا لي مافيه لا عشاء ولا فلة حجاج بدا الحفل بعد صلاة الأخير مباشرة وبعدين توزيع الشهادات مؤجل ولا تكريم ولا شيء - يااخوان هذا ماهو حفل قبيلة بكل صراحة هذا حفل ابو عبداللطيف اللي اجتهد ونسأل الله له التوفيق - لا والمشكلة الكبرى ان فيه شخص وحنا قاعدين نادى لأبو عبداللطيف وقال نبيك تسوي لنا مزاين ابل مثل حرب - والقبايل الثانية - وانا ما اقول الا الله يصلح شاننا وشان كل مسلم ( حضوري كان في اليوم الأول للاحتفالات2/10) واليوم الثاني مالقيت له تغطية في منتدى فارس بني عبس وليال العيد باينه من عصاريها .