بسم الله الرحمن الرحيم
هذي القصيده مهدأه الي قبيله بني رشيد
وهي مردَ على قصيده الشاعر الكبير \ عيد بن مربح الرشيدي
ابدا بذكر اللـي خلـق كـل الاديـان=يعبـد وغيـره مايكـون معـبـودي
عوده لماضي صـار للمجـد عنـوان=والدم ينـزف يـوم تحفـا الجلـودي
وردن على منهو دخل بين الاغصـان=بعـد اليبـاس وصـار مثـل اللهودي
مقـال عيـد الا علـى راي مليـان=وجه السعد ووجيـه الاحقـاد سـودي
صافن نخليه من بحر عبـس رويـان=عن مايقولـه مـن تبنـى الحقـودي
ابشر بعزك يا الرشيدي ولـك شـان=عـزن مـن الله مايهينـه حسـودي
عزيتنا واخزيت مرضـى وحسـدان=باحوا خفايـا حقـد تحـت اللحـودي
حطو على تاريـخ تشويـه عـدوان=والكتب تحفظ حقـد تحـت اللحـودي
نسيتوا مضارب عبس في ذيك الازمان=يـوم ان عنتـر للمعـارك يـقـودي
يوم ان داحس والفرس حربهن كـان=بين القبايل عبـس صاغـت بنـودي
يردع بها الظالم ليـا صـار طغيـان=ويطيب فالـه يـوم رشـده يعـودي
هذي اسلوم امجـاد ماعـد وغطفـان=قوم لهـم فـي كـل الادوار حـودي
وياعيد بن مربح بـك الكـل فرحـان=وحركت دمي اللي مـن اول جمـودي
شوقني اللي صف مـن در الالحـان=واطلـق سـراح مبهمـات العقـودي
تذكر حقايـق شاغلـه كـل الاذهـان=وانـا اتمنـى ان المواصـل يعـودي
ونصير عقب البعد في الدار الجيـران=ونعيـش عيشـه ماعليهـا نـكـودي
عيشه بني عم علـى بـر واحسـان=فـي ديرتـن وحـده بليـا حـدودي
واليوم انا يا عيـد شفقـن وعجـلان=لمشاهدتكـم فخـر ماهـي وعـودي
وانته تعرف الحر من غيـر جنحـان=يصبح من اهل الجو مالـه وجـودي
والك التحيـه عابـره كـل الاكـوان=من ديره السودان مربـى الاسـودي
عنى وعـن كـل القبيلـه والاخـوان=بلـغ تحيـاتـي لـذيـك الفـهـودي
لأهل الجزيره مـن شبـاب وشيبـان=قوم على الذكـرى غلاهـم يـزودي
ارض سقاها الله مـن غـر الامـزان=تحفظ لهـا تاريـخ سلـم الجـدودي
واليا نشدت وقلت مـن ويـن يافـلان=من حامد العاصـي مصـادر ورودي
واعطيك عنا وصف من دون حقـران=يحمـل دلايـل والمعانـي سـنـودي
انتـم بـدار محاسـب كـل غلطـان=بامر الشريعـه والقـرار السعـودي
وحنا بدار اللي على العهد مـا خـان=عمر البشير اللي تحـدى الضـدودي
نكـره عـدوه الله ويمـوت خسـران=وان جاء يبي منـا تصـرم وقـودي
ونحب مـن جانـا مسالـم وسلمـان=ويصيـر منـا مايحـقـره نـقـودي
وبيوتنـا للضيـف ملجـا ومسكـان=واللي يعاني مـن زمانـه ضهـودي
ونلبس المعسور في الضيـق تيجـان=يوم الردي فـي اللازمـه مايجـودي
والجار لـه حـق وزايـد الليـا زان=وان جـار يكـرم باحـتـرام ودودي
ولنا عوانـي حاكمـه حكـم سلطـان=يبنى عليها البيـت وإهـي العمـودي
يخضع لها المحكوم طايـع ورضيـان=وتمنع مشاكلنـا وضـرب الزنـودي
بيـن القبايـل كلنـا بـدو ســودان=نعرف ونعرف فـي ملـم الشنـودي
بمامنات الخوف من صنـع الألمـان=نحمى بهن مرعى بنـات الصعـودي
واركابنا من اللبـل سلايـل شعيـلان=ومن المجاهيـم اللحلـوب الولـودي
هذي وسيمتنا النوق(ن) وحيران=الكفه والشتلـه شاهـد بـلا شهـودي
وننعم بفضـل الله مـن كـل ماكـان=بيـن الودايـا والنهـر والـعـدودي
وتسلـم وسلـم لـي بتقسيـم الاوزان=سلم علـى اهـل الدبدبـه والنفـودي
الشاعر \ حامد على محمد عيد الرشيدي ،،، من دوله السودان