لا تسألوني..وإسألوها من متى ماكلمتني؟؟=وصدقوني لو سألتوا أدري ما ينفع معاها
من يصدق كيف غابت عن عيوني وهجرتني=مخطية والله يعلم لو تجي
خطاها
عالية..والشاهد الله من غلاها ولعتني=ومن بعد ماولعتني.أحرمتني من غلاها
وقلت يمكنها إتغلا مثل ماهي معودتني=تحرق إعصابي وترجع...كل ماربي هداها
ليه وش ذنبي بدون أسباب هالمره نستني=ماني متحمل جروحي وزود إجروحي قساها
أذكر أنها حذرتني بكم كلمة وإسألتني=وش مصيرك لو تركتك وسط هالدنيا وغثاها..!؟
كانت إتلمح لحاجة ومن بعدها حلفتني=إني لا غابت أغيب وأنسى لو قلبي بغاها
ليتها قبل الرحيل أبكل صراحة فهمتني=هي ظروف الوقت وألا شخص ولعها وخذاها..؟؟
ماهقيت أني أبتعب لين راحت وتركتني=ولين قلبي قال:هذي مالي محبوبة سواها
من يلوم القلب فيها لو يقول إنها فتنتني=دام لاجات إتباها قال من حقها تباها
من حلاها ماكذبت أن قلت تسحر وسحرتني=ولو تمر قدام عيني..زر عقلي من حلاها
ليه قالتلي (أحبك)؟ليه فيها حببتني؟=مادرت إنها بكلمة علقتني في سماها
من كثر ماكنت أحبها لو ثواني قاطعتني=إبلا شعور أسأل عليها وأقلب الدنيا وراها
علموها كيف صارت دنيتي من هملتني=قولولها إني أموت وكاره الدنيا وراها
وذكروها بكل كلمة من شفاها ضيعتني=ماكفاها ..ماجرالي..إسألوها ماكفاها..؟
مابقالي غير (صورة) فالبعاد وعذبتني=من أطالعها تضيع العين في ضحكة شفاها
وما بقالي غير (ساعة) منها يوم ذكرتني=بعيد ميلادي وصارت تحسب الوقت إلقاها
لو صحيح إنها تبيني ماتمادت وخسرتني=ولو صحيح إنها تحبني ماتخلت عن هواها
السهر عذب عيوني..والقصايد دمرتني=وكل حرف بهالقصيدة يشكي الحال وعناها
ليتها تفهم كلامي لاوصلها وإسمعتني=وليتها ترحم حبيب لو تناست مانساها