السلام عليكم ورحمة الله وبركاته
مسائكم ,,,\\صباحكم...
ورد وغلا
هي قصه وقصيده بقمة الروعــه
بس لازم تسمعوا
القصه ضروري عشان تفهمون وش قصدوه بالقصيده
وهذي القصيده
ياراكبٍ ثنتين يشّدن الاقواس .... من دار ريضان الحجر حركني
محنونيآتٍ مثل الاقوآس جلآس ... من فوقهن يآحلو صوت المغني
بس الدويرع والميآرك والابوآس ... وسفايفٍ بين اربعه يلعبني
توجهن من عندنا حين الادمآس .....ومضى سواد الليل مابركني
حطن علم عذفا يسارٍ من الرأس ..... والظهر مع ورد الحفر يشربني
وليا لفيتوا عند مدقوق الالعاس .... الجادل اللي بالمحبه محني
قولوآ على حبل الرجآ نطوي اليآس .... والبيض غيره كلهن يحرمني
والله يعلم بالخفايا والآوجاس ..... حبٍ مضى من صغر سنك وسني
وياعم اللي طعت بي هرج الانجاس ..... طاوعت هرج الناس واخلفت ظني
أطعت بي ياعم دابس ودرباس ....... وعوارض صدقتها وابعدني
ومن لااخذآ من درس الاسلاف نبراس ...... تمضي حياته بالرجا والتمني
أقفيت ادير بظامري كل هوجاس ..... على وليف بالحشا غاب عني
تكبي خواطرهم إليا جيت عساس .... ولكن انا منهم ولاهم مني
ومريت دارٍ ماتقل جنة الاوناس ...... وونيت ودموع العيون ذرفني
جيت المراح اللي به العشق محتاس ..... والعشب في مضرب وسادة معني
حذآ سمآد النآر ومشآقة الراس ....... وثلاث لايبكن ولاينبكني
لي بنت عم ماوطت درب الادناس ...... ولادنست يوم النساء يدنسني
ضربتها وانا احسب الضرب نوماس ..... طلقتها بفقآدة العقل مني
يآنفس كيف العين تبكي على ناس ..... وكيف العيون بلا رمد يسهرني
لو ينشكي حبي على ذيب الاخماس ..... يسرح مع الطليان مايجفلني
ولو ينشكي حبي على طير قرناس ..... اضحى الضحى في مآكره مستكني
ولو ينشكي حبي على قب الافراس .... عيآ النهار الكون لايفزعني
ولو ينشكي حبي على الميت ياناس ...... يثور من بين النصايب يوني
ولو البيوت مشددينه بالامراس ...... عيِّن مع الخفرات لاينبنني
وحتى النجوم اللي مع الليل غلاس ..... لو ينشكي حبي لهن وقفني
ولو ان غوطة وإم سمنآن واضراس ..... يدرن بماقلبي لقلبه يكني
تلقى سهل جبة ضآبٍ ومنحاس ...... وحتى الجبل بالقاع صار متثني
اشرفت رأس أضراس من فوق الاطعاس ..... ومآ ألوم طراد الهوى لو يجني
وهليت دمع العين واوميت بالراس ...... ورافقت كور العيس ياما ابعدني
وأبعدت نفسي عن شبآ كل وسواس ..... البعد احلى من حياة التمني
يآعم أنآ لي طلبتٍ رآس بالرآس ...... يآعم شوف رسومهم مآمحني
ولو صرت أنآ المقلآع مآشلت الاضرآس ..... والموس مآيقطع بليآ مسّني
ياصار ماربعك على الرآي جلاس ..... وجنحان طيرآن السعد يلفحني
تصير دومٍ للصقاقير مدواس ...... مثل اللذي يسمع صفير المظني
والله يآ لولآ بكرة يآبو آلناس ..... حبه سكن باقصى الضماير مكني
والله لو هي ماتبيني فلا بآس ..... لاشك خبثات النفوس طردني
وانا احمد اللي خالقٍ كل الانفاس ..... وجعل وساع القاع مافيه مّني
دارٍ بدار ولامناحات الانجاس ..... ياصار مايمناك عينك تقّني
في ديرة الغراف من جملة الناس ..... ولا نيب من يرجي الخلايق تحّني
دارٍ به الاكرام والطيب به ساس ...... دايم تذكرني ليال مضني
وهذا الرابط من خلاله تقدرون تحملون القصه والقصيده بمقطع واحد
عشان تسمعونهم
اتمنى تعجبكم
ممــاراق لي ...