للشعـر والشاعـر مـرام ومرامـيـع=وحرارة(ن) تـصـلاه مـنـا ومـنــا
وللطيـب والنخـوه رصيـد ومشاريـع=ماهـي لمـن عـض البهـام وتمـنـى
سقهـا ووصلهـا لـروس الصعاصـيـع=يطلـع لـهـا راع اليمـيـن المحـنـى
بموضـوع نمدحهـم وعـدة مواضـيـع=وعيـن الحسـود بعيـد عنهـم وعنـا
وللطيـب شـوح وللنـذالـه مخاثـيـع=وللـراس بــاس ولذعـاذيـع فـنـا
والطيب تشـري فيـه ألاجيـال وتبيـع=لوشـاب منـه غـراب بقعـا وغـنـى
احدن عيونـه تشكـي السهـر وتليـع=وحـدن كسـب نـوم العيـون وتهـنـا
وهبه ونـوب يخمهـا الفكـر وتضيـع=ونـوب(ن) بعـد ماجـت علـى ماتمـنـى
وان جت براس الريع وأن جت ورا الريع=لازم ضعنـهـا مايخـالـف ضعـنـا
وقـت المغـازي للمصايـب بوالـيـع=يامـا طعنـا بالـرمـاح وطعـنـا
ولنـا عـن الخثعـه مسـار ومطاليـع=لـو صادنـا فـخ الـزمـان وظمـنـا
عشنا علـى عـز وشجاعـه وتشجيـع=ونبقـى ونفـنـى والشجـاعـه كفـنـا
وناطا على الجمـره بـروس ألاصابيـع=ونجـزع اليا وصلـت لقـاعـة صحـنـا
.