السلام عليكم ورحمة الله وبركاته ،،،
اخواني واخواتي اعضاء هذا الصرح الشامخ اكتب اليوم بين ايديكم هذه القصيده .. البسيطه بالرجل الشهم وهوا الشيخ محمد عبدالله المبارك الصباح حفيد اسد الجزيره.. بما انه الشيخ محمد له معزه خاصه عند قبيلة الرشايده . ووالده عبدالله المبارك وجده مبارك الكبير .. الشيخ عبدالله المبارك كان متربي ببيت احد الرشايده . وهو بيت مطلق بوحديده الشلاحي من العونه من الرشايده . وهم شيوخ اعزاء علينا وعبرت بهذه القصيده .
ياقصيدي ماطفت بالقـاف نـارك
ولـع الابيـات وأوقدهـا وقيـده
ياحصان الوزن ثورنـا غبـارك
فـارس الشعـار خيالـك تريـده
لازعلت ارضيـك وارد اعتبـارك
في بيوت محنكه لنـق وجديـده
عدني ساكن بجنبك مثـل جـارك
لابغيته طوفـه بطوفـه تصيـده
عدنـا يمنـاك ماحنـا يسـارك
لاظلمو قافـك شواعيـرن بليـده
يامحمد يابـن عبـدالله المبـارك
ياعيون الحـر نظراتـك بعيـده
ياسلالة شيخ ماهـاب المعـارك
فارسن مغـوار والرايـات بيـده
ياأسد يابن الاسد واضح مسـارك
((والاسد جدك مبـارك ياحفيـده
عندنـا تاريـخ عـزالله وقـارك
من مبارك ((لين مطلق بوحديده))
الصخى والجود والعزه شعـارك
لامدحتك تفتخـر فيـك القصيـده
ياقصيدي جالـك المعنـى وزارك
عن شجاعن جابله شيخن وليـده
متعب الطولات بالحكمـه قـرارك
يامروض دايم الروؤس العنيـده
صيتك بدارك وحتـى غيـر دارك
بالعقل والمرجله والمشي سيـده