هذة محاورة صيــــــــاف بن عواد الحربي + حبــــــــيــب دغيم العازمي
وفيه سوال؟؟ من موال صياف اعطيكم السوال بعد المحاورة,,
صيــــــــاف الحربي :-
العازمـي قـام ينقـز و إيتحـدانـي=و إليا أنتهى الوقت جاب الشاعر الثاني
لكن حربي طـرد عشريـن عتبانـي=يالاحي يـوم أح يالاحـي ياليحانـي
العازمي يمشي على ضؤ النجوم =ضؤ اقمر يكبر و لايمشي معـه
الليلة الملعبة يازين مذهبهـا=لبت طلبنا و حنا في مطالبهـا
لكن وارد عراوي وين راكبها=يالاحي يوم أح يالاحي ياليحاني
ياليتنا نسرح و نمرح كل يوم =هذا نفر قبه و هذا نجمعـه
حبيب العـــــــــــــــازمي :-
العازمي من رجال الدين و المله=و الله يـالالا يـالا لا ماتقابلـه
ترى عتيبـه دواكـم ياحريبلـه=يالاحي يوم أح يالاحي ياليحاني
العازمي شاعر لياجات اللـزوم =يلعب مع الحربي شوي و يسنعه
الملعبة فنهـا و فنونهـا لنـا=و أن كان زعلان منها ماتزعلنا
و إليا أنتها قافك الموال هونـا=يالاحي يوم أح يالاحي ياليحاني
ماعاد باقي بيننا حبة خشوم= تبأ تحط الساق و إلا ترفعه
صيــــــــــــــــــــاف الحربي :-
أنته عتيبي و ربعك كانت عتيبـه =و اليوم كل الجماعة داخل العيبه
هاذي مصيبه وتبقى عندك مصيبه=يالاحي يوم أح يالاحي ياليحانـي
الطرقي اللي مايجينـا بالعلـوم=يقرب من المشعاب حتى نصقعه
حنا ترانـا بعيـد و لا توالفنـا=مير أكثر الناس مايعرف سوالفنا
أثر عتيبـه فنـت لعلهـا تفنـا=يالاحي يوم أح يالاحي ياليحاني
ترى حبيب لاحصلـه تمـر دوم=يوعد على صياف و يعض أصبعه
حبيب العازمي :-
ترى عتيبه مكانتهـا مكانتهـا=بين القبايـل بعتهـا و هيبتهـا
مانقص الوقت صملتها و قيمتها=يالاحي يوم أح يالاحي ياليحاني
الذيب دايم في طويلات الرجوم= و الارنبه دايم تصومع صومعه
حنـا رجـالٍ لياقمنـا تكلمنـا=لولا الحقايق ترانـا ماتفاهمنـا
و أن كان هاذي علومك لاتعلمنا=يالاحي يوم أح يالاحي ياليحاني
من عام الاول و أنت فالناس مخدوم=ترضى على البراد لو أبـو أربعـه
صيـــــــــــــاف الحربي :-
عز الله أن الولد ماهو ولـد رخمـه=لكن يسـراه فـي يمنـاه ملتحمـه
و إليا ركض ينفقع صدره من الفحمه=يالاحي يـوم أح يالاحـي ياليحانـي
عند اللزوم ايقوم و يسد اللزوم=طير يطير إليا كشفنـا برقعـه
الله يعيد الخميس و ليلـة الجمعـة=كثر البكاء و الصياح و كبرت الدمعة
حنا عزاز النفوس و لالنـا طمعـة=يالاحي يوم أح يالاحـي ياليحانـي
فتح عيونك زين يالذيب العزوم=أما تشوفه شوف و إلا تسمعه
حبيب العــــــــــــــازمي :-
أنا أعرف أنك طويل ذراع يالحربي=وإليا دفعتك شويه جيـت مدربـي
لكن بالله لا تاقـف علـى دربـي=يالاحي يوم أح يالاحي ياليحانـي
أدورك مابين مكـه و الجمـوم=و أثرك وسط سدير دون المجمعه
بالله وخر يدينـك لا تنوشنـا=لو ينفع الخمش يمكنا تخامشنا
حنا قضينا بعد معكم تهاوشنـا=يالاحي يوم أح يالاحي ياليحاني
ياليت يا صياف غير التوم توم=و إليا لزم ديس المنيحة يرضعه
صيــــــاف الحربي :-
يازين وجهك بعد صحلـت لـك دكـه= و أن كان ما أنت بعفيف ألقاك في مكه
من يوم حولك الحربـي مامـن فكـه=يالاحـي يـوم أح يالاحـي ياليحانـي
بغيت تقسمها و ضيعت القسوم=و اللي يشق الثوب بكره يرقعه