مساكم الله بالخير
هذه
قصيدة الشاعر عائش الرشيدي
عزاه يالي باول العمر شايب ,,, لمحة بصر في عارضه ولع الشيب
ماشيبه طرد الهوا والحبايب ,,, ولا شيبه مجلاس مع ناس اجانيب
من غرته دنياه خسران خايب ،،، يضيع وتغثرب عليه المشاريب
اهل القبور الي عليهم نصايب ,,, سبحان من يعلم بهم عالم الغيب
في منزل ٍ ماتجيه حتى الهبايب ,,, مغير فوقه تطلع الشمس وتغيب
الله يادنيا سواتك عجايب ,,, وين الرجال اهل الوفا والمواجيب
راحو رميم مخالطين الترايب ,,, عقب الحياه وعقب ذيك المهاذيب
ماكنهم ركبو ظهور الركايب ,,, ولا تقل كانو لطراقي معازيب
ترى الحضيض الي عن الذنب تايب ,,الي قضى عمره على العز والطيب
يستامنه جاره اليا صار غايـب ,,, والجار له حق ومعزه وترحيب
وسلامتكم...
الشاعر : عائش