[سلطان العايضي]

دلال المواجع
شعر: قـديم الشـوق

للعيون سحرها ومفعولها.. فهي قادرة ومن (نظرة) أن تدفعنا إلى نسيان الخطأ..قديم الشوق شاعر جاء ليتقهوى هنا (دلال المواجع) فنجان.. فنجان..و ينسى قسوة السنين ..

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/20.gif" border="groove,8,gray" type=1 line=0 align=center use=ex num="0,black""]تناسيت الخطا لجل العـــيون اللي ملاها الشوق=ومســـحت الزلـة بوجـه الجــروح وقلت بيحيني
وخاصمت الخفوق اللـــي بليته بالخـــطا والعوق=لجل همي لجل حزني لجل جرحي لجل عـيني
ومسحت الجرح باطـــراف البنان وقلت خلك فـوق=دخيلك لا تهـــــزك ياخويـــــــي قســـوة سنيني
تحملت الخطا يـوم الخطـــا ســـــاقه ظليل الموق=تحملتـه لجل رمعـــة عيونــــي ورعشـــة يديني
حبيبي والخطا سيـــف ٍ لـــه بجــــال الخفوق بروق=على حده تســاوى يالعطيـــب الزيــــن والشيني
تمهل واســحب جيوش الخطـــا ياصاحبي برفوق=واذا لك في الخطا نيـــه ترى اللي فات يكفيني
حبيبي لو سمحت ارجع ووقـــف عند حد الذوق=تمهل قبل تطرحنـــي ولا القــــى من يداويني
تمهل ماعلى بعـــض الجروح الغايـــرات شفوق=قبل لا ينصـــب جـــدار الجفــــا مابينك وبيني
من دلال المواجــــع لاتقــــهويني الخطــا ياشوق=يكفّي واكـــــرم الله يارفــــيــــقي من يقـــهويني[/POEM]

الموضوع الأصلي: شعر: قـديم الشـوق | | الكاتب: سلطان العايضي | | المصدر: شبكة بني عبس