السلام عليكم ورحمة الله وبركاته
اخواني مشرفي واعضاء هذا الصرح الرائع اضع بين يديكم هذه الابيات اللتي ارجوا ان تنال على رضاكم واعجابكم.....
البارحه مهموم جالس لوحدي=اراقب نجوم(ن)علت في سماها
وفي لحظه التفكير بيحت سدي=واطلقت صرخات القهر في فضاها
مدري حياتي صارت اليوم ضدي=والا هي الايام هذا هواها
ان كان دنيا الذل تبغى التحدي=لاطى على نفسي واغير مناها
مانيب تاركها تجيب وتودي=ولا نيب تاركها على مشتهاها
كنت احسب العربان ماهيب قدي=كنت احسب العربان سهل(ن) رضاها
واثر البشر كل يحسب ويعدي=كلن يقول النفس هذا هواها
ولوهو بودي قلت ياناس ودي=اطلع نجوم الكون واعرف مداها
تقبلوا تحياتي....