[عيد بن عبيد]

اربع سنوات من العطاء
جمع شمل العرب في حكمته عن سلب ولاقتال

رحمه مشت على هيئة رجال

شموخ عز

صقر العروبه

شاعر الجمهور احمد بن سلهود بقصيدة مهداه لـ خادم الحرمين الشريفين

سحاب الشعر يبرق والمشاعر وبلها همال=يحرك كل عضو ويسقي حروفي معانيها
بيوت الشعر لامن سمعت بذكره تجي تختال=سرور اجتاحها لو حل بالعالم يكفيها
تراقص هيبه وفرحه وعزة في جميع الحال=تحرى فرصتين تسنح تحققها امانيها
وجتها الفرصه اللي زلزلت في داخلي زلزال=وقمت اهدي اعصاب الشعر والنفس واهديها
وانا ما لومها لو المشاعر كلها تنهال=وتتسابق على كسب الثقه داخل قوافيها
لجل تفخر بمن تفخر به الاوطان والاجيال=سليل المجد ساس العز باولها وتاليها
حبيب الشعب ابو متعب له بقلب العرب منزال=ملك كل القلوب اللي من افعاله نزل فيها
خدم بيت الله او شرفه ربه بافضل الاعمال =نذر نفسه لخدمة دينه وشيد مبانيها
وفتح بابه لمن جاله ويستقبلهم استقبال=يحل ويربط وشارك جميع الناس ناديها
رحيم القلب بل رحمه مشت في هيئة الرجال=نزل دمعه على شوفت يتاما راح واليها
وتفقد حال الشعب كلها بانواعها واشكال=وقف مع كل فرد وخفف هموما يعانيها
وجمع شمل العرب في حكمته عن سلب ولاقتال=بعد ماهي تناحر بينها وكثرت بلاويها
شموخ العز ما يزعزع كيانه زمرة الانذال=ضرب بيد الحديد اعناق من تجهل مباديها
سحاب الخير في كل صوب ابديرته منزال=وصل خيره لكل الشعب قاصيها ودانيها
ومنه الطيب ياخذ ماعطاه ابساير الاحوال=تربع فوق عرش اعلى المعالي في معاليها
بكل افعاله المتجدده تضرب به الامثال=بشرق وغرب وجنوب الديار وشماليها
وانا وربعي فدالك يا ابو متعب حال والاعيال=فدتك النفس وخذها ملك واعذر شخص مهديها
وعسى من جابك بجنات رب الكون له مدهال=بعالي جنة الفردوس ينعم روابيها

شاعر الجمهور احمد بن سلهود

الموضوع الأصلي: صقر العروبه " سحاب الخير " | | الكاتب: عيد بن عبيد | | المصدر: شبكة بني عبس