[ابن حيان]

اقتباس من مشاركة الجدي ابيات قليله في حق اخوي الشاعر ابن حيان ويستاهل وخير الكلام ماقل ودل: بيض الله وجه ابن حيان كساب الجميلة=اشهد أنه مايخيب ضن رجال هقابه مالك كل المراجل ماتبا والله بديله=دون نقص بالرجال اللي لهم قدر ومهابه شاعر يملك هجوس ياعرب ماهي قليله=البحر بينه وبينه ياعرب نقطة تشابه كم شجيع يوم شافه طاح قلبه في شليله=ولاحصله لابلد مكه ولا شوفته شعابه مرحبا به عد برق لاح في عرض المخيله=قالها عبسي ولاهو من مطير ولاعتابه

اشكرك جزيل الشكر ومهما يكون ردي لن يشفي عملاق من عمالة الشعر
كالجدي الذي لم يشق له غبار

والذي له لم يكن كفواً احد وارسل خليله =وانزل القران ومحمد رسوله في كتابه
ان نبع الطيب واضح والفصيله تنتمي له =سيفنا اللي ذاخرينه للحرايب والمجابه
الغموض اليادخل بين الفجر وطراف ليله =صار فيها تصفيه ولاقترابه باقترابه
انت ذيب ً جر صوته وابتدا ابراس الطويله =والذيابه مع بعظها كلها اتسمى ذيابه
والبقا بالعبسي الاصيل حماي الاصيله =وحترامك والتحايا من سعت صدر ورحابه