من غيابك ودي اكتب لك قصيد
لك ثلاث ايام لا حس أو خبــــر
يسألوني عنك والدمعه تحيد
وينها للحين ما زولك حضــــر
قلت صبراً يا وريدي يا الوحيد
خلها يمكن تجي عقب السفر
وان حصل بغيابها شيٍ جديد
طمنوها ما لي منها اي مفر
هي أعز الناس واغلهم اكيد
هي ملاذ الروح هي نور النظر
هي هنا للحين صمام الوريد
هي نظر عيني وهي بوح الشعر
من غلاها صرت بحساسي وليد
أكتب الأبيات من وحي الفكر
كنها مستلطنه الفكر السديد
جيت اعبر عن عتابي واختصر
ما لقيت الا وانا فيني نشيد
باسمها أكتب عبارات النثر
واسمها محفور بالاسم الفريد
في حشا جوفي ظهر .. ؟ لا ما ظهر
لو نطقتوا الاسم تلقوني سعيد
وأغمر الدنيا فرح طول الشهر
توقد الدنيا من احساسي وقيد
وحبها ما يوم فكر يندثر
أتعس أيامي متى ما أنتي بعيد
وأسعد أيامي معك بالمختصر
هل قليل أن قلت لك حبي أكيد ؟
القليل ان قلت لك صبري دهر
لك أعيش العمر لو عمري مديد
أعشقك وأهواك وأبقى أفتخر
إن أعز الناس ما هي أي قصيد
هي ملاذ الروح هي باقي العمر