السلام عليكم
هذه محاورة للشاعر النجم سعد المحيش الرشيدي والشاعر الكبير سعود العبدلي المطيري بحفل زفاف صالح الهطلاني بصالة افراح الهيفي بالكويت
سعد المحيش
هلا يا مرحبا بأسم الرجال اهل الضفر والجود.....عدد ما لاح براق المزون وهل ودانه
يدور الوقت ولا ما يدور الله يعين سعود.....سعود العبدلي معروف لولوه ومرجانه
سعود العبدلي
يدوم لك البقا يا الصاحب الي تبذل المجهود.....طاردها مير عيت تنكتب بأسمه وعنوانه
انا اشوف العنب مير العنب بدقيق العنقود.....لو ان العبدلي ما ذاق من خوخه ورمانه
سعد المحيش
انا وشلون ابصبر بعد ماهبت هبوب النود.....صبرنا مير بكر الحضرمي مافك دكانه
انا ياسعود ما ودي يصير النقص مثل الزود.....ليا حصلت ابو بنيان ماهديت بنيانه
سعود العبدلي
قبل تجمع على عينك عيونك بيض ولا سود.....لاتدخل يا سعد في بيت لين تدق بيبانه
نطقت الكلمه الي مانبى فيها سند وشهود.....تكلم يا سعد وادري سعد مقضوب بالسانه
سعد المحيش
انا عيني سليمه واعرف الطارد من المطرود.....ولا عندي سوالف يا المطيري مالها خانه
ليا منك بغيت تصيد لا تنقنص بلا بارود.....يمرك طير ما تقدر على تنتيف جنحانه
سعود العبدلي
علومك يا سعد مثل السحاب ابو مطر ورعود.....وراك عيال عمك تعتزي والروس مليانه
ياكثر طيوركم كثراه كان العود حك العود.....انا من خلقتي ما كل طير اتعب على شانه
هذه هي المحاوره واتمنى ان تنال الاعجاب