مشاعرك أصدق من الشمس باكر =من فجرها تظهر ولو دونها غيم
نسيت وإلا عن غلا العام ذاكر =نفحات حبك لي سلام وتسليم
وعين بها شوقك من الحب ساكر = أنا وفرحي في غلاها مظاليم
كنك مع النسيان لاهي وفاكر =تفز لي يا صاحبي فزة الريم
قصر الغلا في عاليات المواكر =وأشواقنا في حفل عيده معازيم
تسها العيون اللي بها الشوق ماكر =ثم ان تعلمني على الحب تعليم
وأروح منها طيب الفال شاكر =الحب نعمه والتجافي مواثيم
مال الجميل بفرحة الحب ناكر = وسلام حبي لك معزه وتعظيم
الأمير عبدالعزيز بن سعود