[المشعل]

قصيده اعجبتني واتمنى ان تنال اعجابكم


قلبي اللي مابعد ذاق للراحه طعم

يوم واحد والله اني ماخبره ذاقها

عايش(ن) مابين هم(ن) شديد وبين الم

يالله انك ترحم الحال ياخلاقها

ارحم اللي جسم حاله غدا مثل القلم

تلعب الارياح به لعبها باوراقها

انبرى من مايرى من ظليمه من وهم

من هموم طاقها القلب محد(ن) طاقها

لي ثمان سنين او اكثر على ساق وقدم

ترعد المزنه ولا لاح لي براقها

واتجبر واتصبر لاياصبر الندم

ضاقت الدنيا بعيني وضاق خناقها

جادل(ن) سبحان رب(ن) خلقها من عدم

مع حلاوتها حلو خلقها واخلاقها

احسب إن القلب يسلم ولكن ماسلم

صابته وأستبدلت وصلها بفراقها


كلمات:الشاعر احمد الناصر

الموضوع الأصلي: قلبي اللي مابعد ذاق للراحه طعم.... | | الكاتب: المشعل | | المصدر: شبكة بني عبس