[مرشدالمظيبري]

(( يامحرك هاجس الشعر)ِ)

يامحرك هاجس الشعر في نفحه هـواك ,,, ماحوىالشعرالغزل كل ماقدقيـل فيـك

بالخفايالك حضورِعشق صـادق غـلاك ,,, هاجس هزالمعاليق مالك به من شريـك

في فؤادي مايساويـك ودً مـا سـواك ,,, تنتهيك أغلى هجوس الخفوق وتبتديـك

يامناول كفى العطـر عطرنـي شـذاك ,,, أنتشي عطرك وكل المشاعـر تنتشيـك

ياغريب كنت أعرفك قبل لحظـه لقـاك ,,, أرسم الآمال بدروب وصلـك واحتريـك

يوم كنت هناك كان الغلا عنـدك هنـاك ,,, قبل اشوفك كان همي يبيك وكنت ابيـك

لين ساعات المقادير ساقت لي خطـاك ,,, جيت يمي وألا أنا كنت مدري كيف أجيك

جيت تحيي مجدب كان في حاجه حيـاك ,,, في عيونيك بارق بين ذيك وبيـن ذيـك

ابتسم لي صبح ودك وصافحني مسـاك ,,, والمشاعر يارقيق المشاعـر تحتويـك

كل شيء في وجودك دعاني لك دعـاك ,,, بين شوق يرتهي بك وشـوق يرتهيـك

ليله وانت القمر كنت واشواقي سمـاك ,,, واشقر كالموج هايج يصطفق منك فيـك

به صفه من شعله النار لولا انه كسـاك ,,, حين تقضي من شمعه عليك اخشى عليك

وان ثنيت اخطاك واقبلت عانقني ضياك ,,, ضوح بدر من تمعن وضوحه ما نسيـك

كل ما يملا عيوني مدى حسنـك مـلاك ,,, كوكب كنك تشله علـى راحـة يديـك

ماعرفت ان السهر حلو صدق الا معاك ,,, ولا دريت ان الضما عذب قدام ارتويـك

من شقا بك ما سلى يوم عنك ولا نساك ,,, يعتبر شعر الغزل كل ماقـد قيـل فيـك

الموضوع الأصلي: من القصائد الغزليه للشاعر ((العبسي)) / سعدان عابس القعبوبي | | الكاتب: مرشدالمظيبري | | المصدر: شبكة بني عبس