قصيدة سعدان الرشيدي
ياوفيّ ٍ بالوفـا الشامـخ الوافـي وفيـت=وطيبك أكبر ياأبيض الوجه من وصّافتـه
سامي ٍ عن كل قاصر تساميـت وسميـت=وهو سلفك النابغه وأنت أخـذت خلافتـه
الادب يسكن بذاتـك ولـك بحمـاه بيـت=وأنت بالترتيـب الاول علـى عـرّ افتـه
اعتلى في كوكب العرف صيتك كل صيـت=مثل نجـم ٍ كـل عيـن ٍ سليمـه شافتـه
والكرم في ارتضى واعتبرتـه وارتضيـت=والكريم أهـل الكـرم تفتخـر بضيافتـه
أنت يامن فيك تـو ّي بديـت ولاانتهيـت=في ثنا شعـر ٍ لغيـرك حـرام عسافتـه
أن كتبت اسمك يذكّرنـي أجمـل ماقريـت=وفي دروب الوقت لاسمك مكـان ولافتـه
يالعطاوي ماأقصد الا أنت يوم إنّي بنيـت=صرح قول مود أبلشـك فـي مزهافتـه
كل يوم أطريك وإن جيب طاريك اهتنيـت=لين قالوا كنـز فكـرك حـرام إسرافتـه
انت نهر ٍ عذب لاأضميت من ماه ارتويت=ويش ابي فالجـب ومداحمـة غـر ّافتـه
امدحك وليـا مدحتـك بقولـي ماغديـت=رافـع ٍ صوتـي بقولـي ولانـي خافتـه
وانت تكلّم قاصر العرف قلـت ولادريـت=طق راسك بين سـاس الجـدار وحافتـه
كل ماأمـدح ذات عليـا بعليـاه اعتليـت=ماتنقّـص قيمتـي بالصحيـح نصافـتـه
أمدحـه ود وتفاخـر وصـدق بماعنيـت=وبنك فكري ماتعرف الغشش صـر ّافتـه
وكان يزعلك أبيض الصدق جعلك مارضيت=رح مثل من رامت الشوق يـوم وعافتـه
موجب أنّي ماتغنيـت خـوف ولارجيـت=غير من رب ّرجيتـه ونفسـي خافتـه
ودايم ٍ نفسي عزيزه إليـا حييـت جيـت=صوب راع الطيب والعفن رجلـي طافتـه
ولاتسمّعت لسخافات كيـت وقـوم كيـت=ولاجرف مبداي مـن تشتغـل جـرّ افتـه
واثق ٍ ربـي هدانـي بفضلـه واهتديـت=ومن غزاني راس مالـه طريـق إنكافتـه
وللحقيقه ماأخفي اللي بنفسـي ماحييـت=طيب ولا العيـب مانيـب مـن كشافتـه
وراعي المعروف لو هو نساني مانسيـت=كيف أبـا أنسـى ذاك والذاكـره ميلافتـه
والعطاوي كم عن أفضاله أوحيت ورأيـت=وكم عيـون ٍ لـه بـرد الوفـا متلافتـه
واجد اللي يفعل الطيب واللي بـه هقيـت=حيث غصن الطيب كلّ ٍ وحسـب قطافتـه
مير ضلع سواج ماهوب قد ٍ لـه كميـت=كـل ضلـع ٍ يعرفـون الرجـال نيافتـه
رد العطاوي على الرشيدي
فالعرب من بدعه إعجاز لو سمّي صميت=فالخزايـز مايعاشـى وذيـك عرافـتـه
يابن عابس يوم للي قتل خطلـه وديـت=المسالـف بالوفـا تربحـه سـلا ّفتـه
كم روى المجحف ولروايته قلنـا عليـت=وأجنف البـل مايـداو الطبيـب جنافتـه
ياهلا يامطيّب الشعر بأطيـب ماإنتشيـت=مثل مسك ٍ محكم الختـم شلـت غلافتـه
يوم نوجه فاج عن سالفة خلّـي سهيـت=وقمـت واقـف مبتهـر للبنـا وقيافتـه
نسج سعدان استلب لب عقلي واعتزيـت=يقطف العسلوج وأفضـل تريـك قحافتـه
غصت والمحّار عقبه مفلـل لـو فليـت=ماسقط سهو ٍ مـن الـدر غيـر قرافتـه
انطلق حبلي مع السيب ولحالـي جريـت=وجبت لول لصايغ ٍ مارضـى بصدافتـه
قدر والتقدير من مثلـه أغلـى ماقنيـت=والحميـم أروف بـه حشمـة ٍ لريافتـه
ايه ياسعدان مالـك لـدي وانتـه لديـت=ضلع أبان اللي ثبـت شامـخ ٍ بطنافتـه
والعلم سمّي علم وانت ياعالـم سديـت=نسج ٍأنعم من سهيف السـدى بسهافتـه
فوق ورد ٍ للثنا يـوم قـد ّمتـه كسيـت=ثوب حمد ٍ فوق خلّـك كسعـت عطافتـه
ناسجه بأزهى المدايح وانا منهن زهيـت=وفي مشلّه زان سلـك الحريـر كفافتـه
وكان قالوا لك هل القيل في شعرك مريت=قل تعديت المـرا شـف نفـس إستافتـه
اما أنـا ماقـط نابانـي الخـل ونبيـت=ومن تشو ّف لي على الطور أحمد شوافته
ومن مشالي معتدل يالرشيدي له سعيـت=والاهيـدف كـل عـام ٍ تـزود هدافتـه
إن رضي وان مارضي أو تقززت وطنيت=من تعجرف ماتضـر العـرب عجرافتـه
وانت من منهاج الاخيار منهجك استقيت=بس بذر الطيب بأرض الصّبخ ياحسافتـه
ذا وعن لاتسهب الدلو يوم إنّـي لقيـت=والرشا فـوق المحالـه طويـل سلافتـه
معك أبا أندى في منادى البداوه لو بديـت=وإن تحضريت اكتفـوا رامعـي بكتافتـه
يلعن الله قبـر الاحيـا وللعنـات أبيـت=والحيـاه أعزهـا كـل جـال شرافـتـه
واشقر ٍ يدعيه قلبي ليـا منّـي دعيـت=لذ ّتي في برق الأرواش عجـل أوحافتـه
وذا ويامن عن مراتـع جوالتنـا قزيـت=اقطفـوا قفـر الفيافـي ولـذ ّ حيافتـه
واقبلوا شكري ولو ماعلى طيبك جزيـت=واعتلو طـور ٍ تهيـل الـردي مهيافتـه