السلام عليكم ورحمة الله وبركاته
اسمحو لي عسى حرفي يبرر غيابي ابيات اتمنى ان تنال اعجابكم
وين انت ياللى من البارح على بالي=يسعد مساك وصباحك كل ماتطري
ياللى قصيدي على شانك وموالي=وانت إتجاهل شعوري ماتقل تدري
ماتدري ان إلك صرحٍ بالحشا عالي=والله يعلم بقلبك وش كثر قدري ؟
اطمح بقربك وعيّا لا يتهيا لي/=واليا طلبت الموآجه قلت لي .بدري
الصبر عدّى حدوده وانبرى حالي=وانا أتحّراء واسولف فيك وأهذري
أجلس مع الناس كني في خلاً خالي=واضحك وانا من غيابك ضايقٍ صدري
واليا استوى الكيف قبل اشّف فنجالي=القلب شوقه يطير اسرع من الكدري
قدام اعرفك وقلبي داله ٍ سالي=فوق الثريا واطالع للقمر حدري
ومن يوم شفتك وانا في حال يرثالي=ياحبي الحلم مادري حبي العذري