وان قدر الله ولاعرفوك الرجاجيل \\\ عزالله أني ذقت غلطة زماني
السلام عليكم وحمة الله وبركاته
اخواني الكرام اقدم للكم هذه القصيده والي اتمنى تعجبكم وتسعدكم والمعذره اذا كان فيها قصور
اللهم صلي وسلم على محمد
دهمت غبر الخيل يا كـاره الخيـل = يومي عرفت الي جعلتـه مكانـي
ما كنت أظنك تشتهي خوة الليـل = وتطرب على ملقا فلان و فلانـي
بعت الغلا وأكفيت صفرالمعاميـل = وكبيـت فنجـال {ن} بـه الزعفرانـي
بستاقلك قافـي بحلـو المواويـل = وأفهم كلام {ن} منبعه مـن كيانـي
ماعادلي شفـك ولاعـاد بـي حيـل = ومليت أسوق القاف لاجلك وأعاني
ولاا عاد أنا برضى بكثـر المراسيـل =ولاعاد انا برجيك واذكرك ثانـي
خذها من شفاهـي وحـل التماثيـل = عل وعسى تلقـى صحيـح المعانـي
ما عاد انا ودي بحبـل المواصيـل = و اذهب ذهاب الدم وسـط المحانـي
وأذهب ذهاب القشع مع هدت السيل = وأذهب ذهاب الفايته يـا أنانـي
وان قدر الله ولاعرفوك الرجاجيل = عز الله أني ذقـت غلطـة زمانـي
آخر تعديل بواسطة ذيبان الرشيدي ، 28-05-2009 الساعة 03:52 PM.
السبب: بناءٍ على طلب صاحبها
|