[شاعر الجن]

لندن

لندن مدينه تجنّن
...تشوف فيها كلّ شيّ
تشوف فيها المستحيل اقرب من الممكن
وتشوف ارض الانجليز
واليازبيث وملكها
وتشوف هايدباركها
وتشوف فيها وجيه / اكثر ملامحها تقول
ان الحياة جنّه
لندن مدينه تجنّن
تعلمك حاجات
وتفهّمك حاجات
اكثر من اللي تعرفه
واللي انت كنت تظن
لندن مدينة الضباب
تعرّفك باصحاب
وتذكّرك باصحاب
وتحبّبك باصحاب
وتعلّم القلب البليد انّ الزمن كذاب
لندن مثيره كلّها
شمس ٍ تغازل ظلّها
خذ لك بها كم يوم
ماتذوق فيها النوم
وماتشيل فيها هموم
واليا قربت تملّها
وقـّف قليل وقلّها
انا غريب ديار
وأشّر لتاكسي للمطار

وارحل بعيد وخلّها

مساعد الرشيدي

الموضوع الأصلي: لندن ومساعد | | الكاتب: شاعر الجن | | المصدر: شبكة بني عبس