غيمتين سمر
اهداء لكم عسى ان تحوز
على رضاكم
ما بـــــــا قي الا غيمـــتينٍٍ ٍ سمــر =تمـــطر وتسقـــي ظامي احزاني
ومع كل قطرة ينقطف بي عمر=زهرة عمر تحيا على شاني
كيف افدي ارواح الزهور الحمر=لا اشتد برد الليل واعياني
ضاعت سنين وما بقاء الا شهر=عله يحقق لي ما عناني
ارسم على اسقوف الليال القمر=احلى قمر ضاوي وينساني
مدري ردى حظ او بلادة فكر=او شيء يأمرني وينهاني
هذا زمان العولمة والشعر= واللي معه خاتم سليماني
اطنخ وسولف والشقا للحبر = يكتب على الاسطر بمجاني
الغرب تكشف تقنيات العصر= وحنا على دانه ويا داني
مال للفشلنا عندنا من عذر= الا مقاديرك يالازماني
نضحك على انفسنا ونبكي قهر=من داخل ونشكي وننداني
صراع ما بين الوفا والغدر= ولا ادري من المجني من الجاني
ضاقت صدور ولا انشرح لي صدر=الا القلم والدفتر الثاني
افضفض ألهم واستمد الصبر=من محبرة هجسي وقيفاني
والحق بيًٍن والجهل للقبر=واللي يدورني بيلقاني
اقرب شبر وانا اقترب لك شبر=والا ترانا كلنا فاني
متى تكف الغيمتين السمر= وتموت من زود الظما احزاني