وهذه احدى قصائد الشاعر ناصر خنيفر (العمده) التي وجهها الى الجحش عميد الشعراء
ياجحشنا بعـد ماخـذت الزعامـه=لاتخليهـا وتصبـح رجـل عـادي
لاتحول مـن عدامـه فـي عدامـه=تلفحك شمس الضحى عقب البرادي
كثـرت التدويـج للعاقـل نـدامـه=تضعفه لو هو من طيـور الهـدادي
والرساله وصلتك ومسـك زمامـه=كان تبغا راي مـن رايـه سـدادي
لا تزحزح عن رجاجيـل الشهامـه=ديرتن ماشفت انـا مثلـه بـلادي
والنصيحـه ماذكـر فيهـا ملامـه=وان عصيت ورحت كل الوضع عادي
قول تـم وطيـع يامـال السلامـه=لاتهيـم وتقتلـب فـي كــل وادي
طيع شور اللي وراء الخمسين عامه=من شرور وخير هالدنيا استفـادي
وهذه احدى الرديات من الشاعر الجحش (عميد الشعراء)
يامرحبـا و عـداد ماهـل هـمـال=وعد السحاب اللي تكاشـف بروقـه
وعـداد مـاواد القهدربّـع وســال=وعدادعبسـيٍّ بــه اوده لنـوقـه
بالصاحب اللي صحبته تشرح البـال=الوافـي اللـي صاحبـه مايبـوقـه
ناصرخنيفرمـن رياجيـلٍ ابـطـال=ميقافهـم كايدوصـعـبٍ لحـوقـه
البارحه مـوج البحريصفـق الجـال=وللول والمرجـان باسفـل عموقـه
ونزلت لـه مـع غبـة البحرمنـزال=والجؤمضلـم والهبائـب صفـوقـه
وأقبلت ماليلي مـن اللولـؤ شـوال=اللـول والمـرجـان والدرفـوقـه
لعيون ابوتركي ذرى كل مـن قـال=ناصيك يوم البيت مـا لـت شنوقـه
والا الردي ماله مع الطيـب مدخـال=ماغيـريـتـدرق وتكـثـردروقـه
ولا ابوتركي لأ ثقـل الحمـل شيّـال=الله يسـمّـح طرقـتـه لايعـوقـه
ياناصرالعالم بهـا الـوان وأشكـال=ماكـل رجـلٍ مايشوقـك يشـوقـه
بعض الرجال يجيك في سمح الاقبال=وأن جيت يمّه يختلف فـي نطوقـه
وبعض العرب سلمه مثل سلم الاطفال=ان مالقى 0 دمّه وقف فـي عروقـه
يخالف اهل الراي فـي كـل مايقـال=من شان يبرزبيـن برقـى وروقـه
مسموم فكراعمـى بصيـره وبطّـال=ابويميـنٍ مثـل يمنـى السـروقـه
اعاذنا الله مـن حيـل كـل محتـال=اللي بوقـت الجـد رجلـه سبوقـه
واليوم ضلّ البـوق ضافـي وميـال=تلقـى رع الـبـوق يتفاخرابـوقـه
ومن لايقود الخيـل شفنـاه خيـال=حتى الحصان يصـوّر العصرفوقـه
دنيـا توريـك المصائـب ولاهـوال=وماقـل دل وزبـدة الهـرج ذوقـه
واليوم انا وياك فـي كـل الاحـوال=نفسي ونفسك بالطـواري صدوقـه
نبعد عن اللي فالزمـن مالهـم فـال=اطوال الا لسن ( والدقون محلوقـه )