الوقت له نيه وانـا عابـر سبيـل
= = = = = اشره على الدنيـا بـزود احمولهـا
اهمهـا هـم الطفـل همـن قليـل
= = = = = لا مـن تـورد قلـت لله حولـهـا
دنياي ماتسـوى نهايتهـا الرحيـل
= = = = = حتى ولو طالـت قصيـرن طولهـا
محدن معمر فالحيا العمر الطويل
= = = = = كلن وله موعـد ويمحـي زولهـا
كلن يشيل الي قوى ظهـره يشيـل
= = = = = والرابح الي قـد غـدى محمولهـا
وانا متاعي فالحيـا شايلـه شيـل
= = = = = شيل السعيف الي هـدى فرحولهـا
اغنم زماني بالسجود وذكـر ليـل
= = = = = واستغفر لنفسـن خطـت بفعولهـا
وارجي رضا الله من قبل يومن ذهيل
= = = = = يوم النفوس من الفزع في هولهـا
وادعيه يغفرلي وانا العبـد الذليـل
= = = = = في يوم تطويني الثـرى برمولهـا
وادعيه يرحم عبده العاصي العليـل
= = = = = مـع كـل ايـه قلتهـا واقولـهـا
وادعيه يسترني ويستر كـل ميـل
= = = = = يوم انميالي في هـوى معسولهـا
واطلبه يهديني الى خير السبيل
= = = = = والخاتمـه الفـردوس دار انّولهـا